Notícias

Linguajen ne’ebé uza Iha Lei Laos Lian Popular maibe Lian Juridika

Diretor DNTPSC
Responde ba preokupasaun sosiedade nian konaba linguajen ne’ebé hakerek iha draft lei ba rai nian, Diretor Nasional Terras Propriedade no Servisu Cadastrais Antonio Verdial de Sousa, Tersa (25/8) foinlalais ne’e hateten, linguajen ne’ebé ekipa tekniku sira uza hodi hakerek iha draft lei ne’e laos liguajen popular maibe linguajen júridika.

Nune’e Verdial esklarese mos katak, iha diario Timor Post, edisaun 20 de Agosto, publika artigo de opiniaun ida konaba Lei Rai nian, dehan katak MJ tenki kuidadu molok atu lori projetu lei ne’e ba PN.

Komunidade Husu Sertifikadu Antigu Labele Uza

Konsulta Públika iha Liquiça,

KONSULTA publiku ba dasanuluresin rua iha distritu liquisa, Segunda, (17/8) liu ba, komunidade husu ba Ministra atu elemina tiha artigu 3 alineia dahuluk to’o dahat nian ne’ebé koalia konaba direitu uluk nian iha draft ba ante projektu lei rai nian.

Tanba tuir sira, wainhira artigu refere mak governu tau konsiderasaun sei fo dalan ba ema sira ne’ebé uluk iha tempu okupasaun halo sertifikadu ho obrigatoriu, ka la tuir dalan legal.

Komunidade Ejije Governu Tún To’o Baze MJ: Konsultasaun Remata Sei Iha Sosializasaun

RELASIONA Públiku ante projektu ba lei rai nian ne’ebé hala’o iha distritu Ainaro Kinta, (30/07) no Aileu Sesta (31/07) foin lalais ne’e, komunidades ejiji atu atu programa refere tenki hala’o to’o baze.

Hatan ba ejijensia komunidade sira nian, Ministra Justisa, Lúcia Maria Brandão Freitas Lobato hateten, konsulta publiku remata sei aprezenta ba iha Konsellu Ministru (KM) no Parlamentu Nasional hodi Aprova hafoin ekipa tekniku sira tu’un to’o baze hodi halo sosializasaun.

Ema Estranjeiru Uza Timor Oan Hodi Sosa Rai MJ: Nudár Timor Oan Tenki Simu ho Liman Rua

RELASIONA ho preokupsaun komunidades nian ne’ebé hateten, iha ema estranjeiru balu ne’ebé uza Timor oan nia naran hodi sosa rai, Ministra da Justisa, Lúcia Maria Brandão Freitas Lobato husu atu timor oan ne’e tenki simu ho liman rua.

“Wanhira kazu hanesan ne’e akontese, hau husu ba timor oan ne’ebé ema estranjeiru uza nia naran hodi sosa rai, ne’e tenki simu ho liman rua, tanba tuir lei ema estranjeiru la iha direitu atu sai nain ba rai pedasuk ida.” dehan Ministra da Justisa.

Konsulta Públiku lei ba rai datoluk iha Lautem, MJ : Ema Hotu Iha Direitu Atu Hatama Deklarasaun Nain ba Rai

Lautem, 14 de Jullu de 2009
Konsultasaun Públiku ante projetu lei ba rai datoluk nian ne’ebé hala’o durante loron ida iha Lospalos Distritu Lautem, Tersa (14/7) foin lalais ne’e, Ministra da Justisa husu atu ema hotu iha direitu atu hatama deklarasaun kona ba nain ba rai.

Atu sai nain ba rai,tuir Ministra Justisa Lúcia Maria Brandão Freitas Lobato, ema ne’e tenki sidadaun TL, no sei la sai nain ba rai wainhira ema ne’e sidadaun estranjeiru.

Ministeriu Justisa-UNICEF halao Orentasaun Konvensaun Direitu Labarik (KDL) ba Ofisial Governantes iha Distritu Ermera

Ministériu da Justisa koopera ho Nasoes Unidas liu husi UNICEF Timor Leste, halao workshop loron ida konaba Orientasaun Konvensaun Direitu Labarik [KDL] ba ofisial governantes no pratikante media iha Distritu Ermera, 15 julhu 2009.

Workshop KDL neébe ho tema ,"Orientasaun KDL ba governantes, pratikante media, Juventude, Instituisaun Relijiozas no ONG." Neé ho nia objektivu Habelar no Promove KDL iha servisu fatin no Komunidade tuir knar no Responsabilidade.

Páginas