Ministeriu Justisa Partisipa Workshop Konaba Promoting The Effective Protection Of Witnesses And Reporting Persons In Corruption Cases, Iha Bangkok, Thailand

Bangkok, Thailand Representante husi Ministeriu Justisa partisipa workshop konaba promoting the effective protection of witnesses and reporting persons in corruption cases, iha Bangkok, Thailand durante loron rua, hahu husi 26-27 April 2016, workshop ne’e organiza husi United Nations Office on Drug and Crime( UNODC).
Ekipa husi Timor Leste ne’ebe partisipa iha workshop ne’e hamotuk ema nain hat kompostu hosi; Ministeriu Justisa, Diretór DNDHC Flaviano Moniz Leão, Komisaun Anti Korupsaun, Diretór Investigasaun Augusto da Costa Castro no investigador Zulmira da Costa, no husi Ministeriu Publiku prokurador Ambrosio Rangel Freitas.
Workshop ne’e partisipa husi representante nasaun sanolu resin ida, ne’ebe kompostu husi Nasaun membru ASEAN sira, no peritus sira husi Australia, Korea de Sul no agensia UNODC, objetivu husi workshop ne’e atu fahe esperensia ba malu entre nasaun ASEAN sira konaba oinsa atu fo protesaun ba Whistleblower iha kasu korupsaun, tamba iha nasaun balu husi membru ASEAN sedauk iha lei espesifiku ne’ebe regula konaba protesaun ba whistleblower, Ho nune’e importante tebes ba nasaun ASEAN sira atu bele iha lei ne’e.

Iha workshop ne’e diskuti barak liu konaba oinsa atu asegura wisterblower uaihira sira hato’o kazu korupsaun ne’ebe mosu iha sira nia instituisaun no dezafius ne’ebe mak ema ne’e hasoru uaihira nia deside atu hato’o kasu korupsaun ne’e ba instituisaun relevante, tamba iha nasaun sudestu Asiatiku sedauk iha lei ne’ebe adekuadu atu fo protesaun ba whistleblower ho nune’e uaihira ema sai hanesan whisterblower sempre hetan risku ba nia moris, bele hetan amiasa no abuzu. Iha diskusaun ne’e mos sujere atu nasaun sudestu Asiatiku sira iha legislasaun ne’ebe diak atu bele asegura wisterblower.
Iha workshop ne’e iha mos seksaun diskusaun grupu hodi halo studi kausa, diskusaun ne’e fahe ba grupu hat tuir topiku idak idak, iha diskusaun grupu ne’e hamosu konkluzaun katak uaihira nasaun ida atu prevene korupsaun ho diak tenke fo protesaun mos ba ema ne’ebe halo keixa liu-liu whistleblower tamba husi sira ne’e mak kazu korupsaun bot bele deskrobe, iha tempu agora whistleblower iha papel importante atu deskrobe kazu korupsaun ho nune’e presija tebes atu asegura sira laos deit seguransa ba sira nia vida maibe oinsa ba sustentabilidade sira nia moris liu-liu atu sira bele hetan fali servisu uaihira ema hasai sira husi fatin sira servisu.

Iha oportunidade ne’e hasoru mos representante husi Lembaga perlindungan saksi dan korban (LPSK) Republika Indonesia, Sr, Prof. Dr. Teguh Sudarsono nudar vise chairmen LPSK no Sr Bambang Satrijadi Atahjadi nudar asesor legal, iha sorumutu ne’e parte LPSK fahe informasaun konaba LPSK nia servisu no material saida deit mak sira iha lori halo servisu ba protesaun sasin, aliede ne’e sira mos fahe informasaun katak iha fulan jullu tinan 2016 LPSK sei halo treinamentu ida konaba protesaun sasin ba nasaun ASEAN sira, ho nune’e iha posibilidade atu konvida mos Ministeriu Justisa Timor Leste hodi partisipa.
Ikus husi worksop ne’e komisaun organizador prepara jantar ofisial ho partisipante hotu ne’ebe tuir workshop ne’e.

Flaviano Moniz Leão
Director DNDHC
Ministériu Justisa