DNDHC HALA’O SOSIALIZASAUN BA REKOMENDASAUN KOVENSAUN DIREITU LABARIK IHA MUNISÍPIU VIQUEQUE.

Viqueque -Ministériu Justisa (MJ) liuhosi Diresaun Nasionál Direitus Umanus no Sidadania (DNDHC) sosializa “Rekomendasaun Konvensaun Direitu Labarik”Kinta 10/05/2016 iha Munisípiu Viqueque.
Diretór DNDH/MJ; Flaviano Moniz Leão iha abertura hatetekatak Timor-Leste ratifika ona Konvensaun Direitu Labarik iha 2003 hanesan Estadu Parte,iha obrigasaun hato’o relatóriu Estadu nian ba Komité Direitu Labarik iha Jenebra kona- ba implementasaun direitu labarik ninia progresu no desafiu iha Timor-Leste nomós simu rekomendasaun husi Komité Direitu Labarik kona-ba saída de’it mak Timor-Leste tenke kumpri hodi hadía situasaun labarik Timor-Leste nian iha futuru. Iha momentu ne’e mós Sr. Diretór hatetekatak, ami mai laos atu hanorin ita bo’ot sira, maibe ami mai atu fahe informasaun ba ita bo’ot sira.
Tuir Planu Asaun Anuál 2016 DNDHC/MJ nian ne’ebé trasa ona, programa sosializasaun ho tema “SOSIALIZASAUN BAREKOMENDASAUN KOVENSAUN DIREITU LABARIK.” ne’e hanesan programa esensiál ida ba Ministériu Justisa nian ne’ebé hala’o tiha ona iha MunisípiuErmera, Ailiu, Manufahi, Manatuto no terminaiha Munisípiu Viqueque.

Partisipante sira ne’ebé partisipa iha programa sosializasaun ne’e tuir alvu ema nain 40, maibe tanba antusiasmu husi komunidade iha fatin refere partisipasaun konsege besik ema nain 50. Partisipante sira mai husi entidade oi-oin kompostu husi; autoridade lokál sira, edukadór sira, profesionál saúde sira, grupufeto nojuventude, konfisaunrelijioza sira no membru Polísia Nasionál Timor-Leste (PNTL).
Adjunto Administradór Munisípiu Viqueque akresenta katak; ami iha Munisípiu Viqueque ne’e presiza atu hatene informasaun saida deit atu hato mai iha komunidade Viqueque, liu-liu koalia kona-ba direitu labarik iha Timor Leste ne’e importante tebes.
Xefe Departementu Tratadus no Monitorizasaun DNDHC/MJ Sr. Helder Godinho Martins, koalia kona-ba prosesu Preparasaun ba relatóriu KDL, estabelesimentu pontu fokál direitus umanus iha liña ministeriál sira no munisípiu sira, halo nomeasaun ba Entitade Estadu nian nu’udar responsável atu koordena no prepara relatóriu KDL, no halo kooperasaun ho Komisaun Direitu Labarik.


Sra. Juliana Rangel iha nia apresentasaun hateten katak, “Timor-Leste iha obrigasaun atu implementa rekomendasaun Konvensaun Nasoins Unidas ba Direitu Labarik ne’e importante ba labarik sira atu hetan saúde bazika, edukasaun, no iha direitu atu goza ka halimar, tuir atividade kulturál no hetan medidas espesiál ba protesaun.”Iha sosializasaun ida-ne’e partisipante sira antusiasmu tebes hodi rona no hato’o sira nia preokupasaun oinsa atu asegura no respeita labarik sira nia direitu tuir lei no konvensaun.

Hafoin remata programa sosializasaun ne’e, ekipa husi DNDHC/MJ ho partisipante sira, hasai Foto hamutuk hodi hatudu katak sinál amizade nian sei forte nafatin no hametin unidade.

Carlos Gonçalves Dias
Ofisiál Dokumentasaun DNDHC
Ministériu Justisa