Dili,MJ- Diretur DNSPRS Dr. Helder Cosme Marçal Belo prezide reuniaun kona-ba preparasaun ba funsionarius DNSPRS no guarda prisional nebe mak sei desloka ba lisboa-portugal, iha sala reuniaun Ministériu da Justisa, loron kuarta-feira (21/09/2016). Tuir orario, ekipa sei hala’o viagem ba Lisboa-Portugal iha loron sesta feira (23/09/2016) no sei fila hikas mai Timor Leste iha loron segunda feira (03/10/2016).

Objetivu husi viagem ida ne’e mak atu hala’o estudu komparativu hodi desenvolve kapasidade funsionarius no guardas prisional kona-ba sistema servisu prizaun Timor Leste liu-liu iha area reinsersaun social, nune’e persija promove kapasidade hodi halao funsaun tuir regras nebe’e vigor, tanba natureza servisu ne’ebe komplesidade, izizi atendimentu profesionalismu husi funsionarius no guarda prisional.

Entertantu, atividade ida ne’e bazeia ba PAA 2016, no orsamentu alokadu iha Fundus Dezenvolvimentu Capital Humanu. Ho orsamentu refere, identifika funsionarius DNSPRS no Guarda Prisional hodi partisipa iha estudu komparativu refere iha Portugal.

Diretur DNSPRS Dr. Helder Cosme Marçal Belo iha ninia intervensaun hateten, “atividade ne’e importante tebes ba ita-bót sira, importante mós ba Ministériu Justisa no liu husi estudu komparativu ne’e atu bele hetan netik benefisiu positivu balun, atu nune’e bele sai sasukat ida hodi dezenvolve no aumentu Itabo’at sira nia konhesementu klean liu tan kona-ba pratika strategia seguransa prisional no reinsersaun social ba prizioneirus sira.

Iha mos intervensaun senor Asesor Dr. Joao Campos hato’o katak; “antes Itabo’ot sira atu hala’o viagem ne’e, iha ona koperasaun no kolaborasaun ne’ebe la’o ho diak entre DNSPRS-MJ Timor Leste ho DGRSP Portugal, loron hirak tuir mai, Itabo’ot sira bele realiza estudu komparativu ne’e, hein katak bele haklean liután hodi hasae kapasidade no koñementu, atu nune’e bele hala’o knar iha area Ita Bo’ot sira nian hodi bele dezenvolve sistema servisu prizional Timor Leste”.

Marka prezensa iha reuniaun ne’e mak ; Diretur DNSPRS-Dr. Helder Cosme Marçal Belo, seńor Asesor ba Sua Exelençia Ministru da Justica-Dr. Joao Campos, Chefe Departementu Inpesaun no avaliasaun-DNSPRS-Dr. Julio Dias Ximenes, Chefe Departementu Seguranca-DNSPRS- Dr. Agapinto Camto nomos ekipa nebe atu desloka hamutuk ema nain sanuluh, kompostu husi Funsionarius DNSPRS ema nain 3, estabelsionamentu prizional Becora ema nain 4 no estabelsionamentu prizional Gleno ema nain 3.