Lisboa, PortugaI – Gabinete Inspesaun no Auditoria (GIA) Ministériu Justisa (MJ) partisipa iha programa Estudu komparativo ka Intercâmbio” hó karateristika estágio hó oriéntasaun bá liu kazu prátika iha área inspesaun, auditoria no investigasaun nian iha Inspeção Geral de Serviço da Justiça (IGSJ) do Ministério da Justiça de Portugal hó objetivo prinsipál hodi aprende no kuñese sira nia experiência iha instituisaun iha área da inspesaun, fiskalizasaun no auditoria, no funsionamento servisus sira iha ambito Ministério da Justiça de Portugal nian.
Iha loron dahuluk ekipa GIA - MJ Timor-Leste nian simu hosi Prezidente Instituto de Gestão Financeira e Equipamentos da Justiça (IGFEJ) Dr Carlos Pinto Rodrigues, no iha bibán ne’e realiza kedan aprezentasaun kona-ba funsionamento IGFEJ nian, no tuir mai halo visita ba servisus Departamentos no nucleos sira iha IGFEJ nia laran.

Ekipa GIA mós hetan konvite atu partisipa iha seminario ida ho tema “” Encontros de Direito Internacional – Atualidade e Tendências na Cooperação Judicial Civil e Comercial”” iha Campus da Justiça Torre H, Lisboa, Seminar ne’e DGPJ halibur peritos sira hosi Universidade no Entidades sira husi Governu nian atu hanoin lisuk kona-ba material Legislasaun ne’ebé DGPJ prepara atu halo proposta alterasaun iha futuru – bele hare iha link ne’e www.eventbrite.com no www.dgpj.mj.pt

Depois de seminar refere remata, ekipa realiza sorumutu ida hó Directora-Geral Politica da Justiça (DGPJ) Professora Dra. Susazana Antas Videira, iha hasoru malu ne’e DGPJ Portugal simu delegasaun TL ho kontente e hato’o katak kooperasaun TL ho Portugal la’o diak tebes núdar kumprimentu bá akordu kooperasaun ne’ebé mak Governu rua ne’e realiza tiha ona, no atu implementa nafatin akordu kooperasaun ne’e DGPJ - Portugal disponivel tebes atu oferese varias formasaun no kapasitasaun tuir TL nia nesesidade atu hadiak no hasa’e kompeténsia servidores estado sira nian iha mbito Ministériu Justisa Timor - Leste nian.

Estudo no Formasaun ne’e fahe bá parte rua (2), Parte Primeira : hala’o vizita no realiza estudo comparativo iha Instituto Geral Financeira e Equipamentos da Justiç (IGFEJ), Direcção Geral Politica da Justiça (DGPJ), Instituto Nacional Propriedade Industrial (INPI) no Inspeção-Geral dos Serviços de Justiça (IGSJ) iha dia 7 to’o 9 fulan Novembro tinan 2016 no Parte Segundo : sei hala’o estágiu iha IGSJ ne’ebé sei hahú iha 10 to’o 18 fulan Novembro tinan 2016.

Director Jeral Ministériu Justisa de Timor – Leste, núdar mós representa Ministru Justisa - TL nian Dr. Henrique de Oliveira Ximenes, depois de remata visita no estudo komparativo iha instituisaun sira ne’ebé mensiona iha leten informa katak, iha futuru mai Ministériu Justisa sei kontinua haruka Tékniku Professionál no Tekniku Superior sira atu aprende nafatin área Estatistika nian iha DGPJ, Boa Pratika realizasun Inspesaun no Auditoria iha IGSJ no area Rejisto Marcas, Patentes no design iha INPI atu nune’e iha futuru mai MJ - TL bele hamoris ona organika kona-ba Rejisto Direito Propriedade no Intelektuál (DPI) iha âmbito MJ - TL nian

Ekipa Lidera husi Director Jeral Ministériu Justisa nian, Dr, Henrique de Oliveira Ximenes, hó nia membro sira mak hanesan Inspetor Jeral, Dr Lucas António da Costa, Diretúr DNTPSC Romão Guterres, M.Eng, Xefi do Gabinete – MJ, Dr. Evangelino Belo, Diretúr DTPSC Muinicípiu Lautem, Sra. Regina de Jesus Ribeiro, Director DTPSC Municípiu Covalima Sr. Antonio Carceres Soares, Xefe Departementu Aprovisionamento Sra. Dra Octavia Celeste de Sousa Soares, Xefe Departamento Auditoria e Fiskalizasaun Sr. Dr Elvio Marciano de Jesus Soriano, Xefe departamento Apoio Juridico Dr. Venancio Monteiro no Sr. Gaspar Araujo tékniku superior husi GIA.

Prepara husi :

Elvio Soriano de Deus & Venancio Monteiro, Tekniku Superior – GIA, MJ