PCIC Komemora Aniversariu Ba Datoluk Iha Baucau

BAUCAU -Ministru Justisa Interinu, Atuál Sekretáriu Estadu Terras Propriedades (SETP) Jaime Xavier Lopes, iha loron segunda, 15 fulan-Maiu 2017 foin lalais ne’e loke abertura ba komemorasaun aniversariu Policia Cientifiku Investigasaun Criminal (PCIC) nian ba da toluk iha iha Munisipiu Baucau.

Komemorasaun ne’ebé abertura hosi Sekretáriu Estadu Terras Propriedades (SETP) Jaime Xavier Lopes hateten, ejistensia PCIC nian hodi bele halo investigasaun kle’an ba kazu omesidu sira, liu-liu kona-ba falsifikasaun dokumentus,

Jaime hateten, komemorasaun aniversariu PCIC ba da toluk nian hala’o iha Munisípiu Baucau tanba atu ejerse ninia funsaun hodi bele hakbesik-an ba iha komunidade sira.

Nune’e Jaime esplika mós, PCIC nia la iha farada hanesan PNTL maibé sira hala’o sira nia knar hanesan Polisia, sira iha servisu ida ne’ebé estra oituan, tanba sira nia servisu haree liu ba hahalo krime sira ne’ebé maka sei subar-an, ka seidauk nakloke ba públiku.

Tanba ne’e tuir Jaime, hanesan timor oan ema hotu tenki fo korazen ba PCIC hodi bele ejerse ninia funsaun ho di’ak no tuir lei, nune’e mós ho ema hotu nia korazen sira bele deskobre kazu hirak mak seidauk bele deskobre hodi bele submete ba iha dalan justisa nian.
Jiame esplika mós katak, bainhira sira uza farada entaun sira sei labele atu halo investigasaun ba kazu ruma ho klean, e ema la brani hodi bele fo-sai hotu informasaun mak sira iha. Maibé bainhira sira la ho farada entaun sir abele kore-sai hotu informasaun hoti sira nia kliente sira, hodi bele diskobre mós krime sira ne’ebé maka ema seluk ka instituisaun seluk labele atu deskobre, hodi bele prosesu tuir dalan justisa.

Iha komemorasaun aniversariu ne’ebé hetan partisipasaun hosi Administradór Munisipiu Lautem, Viqueuque, Manatuto ho prezidente autiridade munisipiu Baucau, inklui mós lidernsa komunitaria no administradór portu hosi Munisipiu sira iha parte leste nian ne’e, SETP espera katak, iha futuru PCIC bele ejerse ninia funsaun ho di’ak liu tann hodi bele dekbre kazu hirak mak seidauk bele deskobre ba iha públiku.

Komeorasaun Aniversáriu PCIC nian ba datoluk, liuhosi seminár ne’ebé ho nia tema “PCIC hakbesik-an ba komunidade liuhosi dalan ba justisa ne’e Diretór PCIC Vicente Fernandes Brito hateten, PCIC hala’o ninia aniversariu iha Munisípiu tanba tuir diploma legál atividade PCIC nian bele hala’o iha teritoriu hotu TL nian, nune’e mós rajaun seluk ba komemorasaun aniversariu iha Baucau nian ne’e tanba atu haklaken ba iha komunidade sira kona-bá ezistensia PCIC nian iha baze.

Iha fati hanesan Prezidente Autoridade Munisípiu Baucau, Antonio Guterres husu ba lideransa komunitária inklui mós partisipante sira ne’ebé mak partisipa iha aniversariu PCIC nian ba datoluk iha munisipiu Baucau ne’e hodi bele informa mós ba maluk sira ne’ebé maka iha biban ne’e la partisipa, nune’e sira mós bele hatene ezistensia PCIC nian iha Nasaun Timór-Leste.

Iha komemorasaun ne’ebé maka hetan partisipasaun mós hosi komandante PNTL munisipiu hirak ponta leste nian ne’e Antonio hato’o mós ninia agaradesementu ba iha Ministériu Justisa liu-liu PCIC tanba bele komemora ninia aniversariu iha Munisípiu Baucau, tanba ho komemorasaun ne’e PCIC bele hakbesik-an di’akliutan ba komunidade sira.*

Ananias Babo Horta
Media Officer SETP