VMJ Hala’o enkontru dahuluk ho Funsionáriu DNTPSC no DNRN

Dili -Vise Ministru Justisa (VMJ) ba governasaun dahitu nian, Sebastião Dias Ximenes, iha loron Sesta 14 fulan-Outubro 2017 foin lalais ne’e hala’o ninia enkontru dahuluk ho funsináriu sira hosi Diresaun Nasionál Terras Propriedades Servisu Cadastrais (DNTPSC) no funsionáriu sira hosi Diresaun Nasionál Rejistu Notariadu (DNRN) hodi ko’alia kona-bá pontualidade servisu nian inklui mós koperasaun entre funsionáriu ho nia dirijente sira.

Iha enkontru ne’ebé organiza hosi DNRN ne’e, Eis Provedoria Direitus Humanus no Justisa ne’e hateten, prezensa governasaun dahitu nian liu-liu iha ninia enkontru dahuluk ho funsioneariu sira ne’e ho intensaun atu hasorumalu ho funsionáriu sira, tanba hakarak hatene di’akliutan funsionáriu sira inklui mós servisu funsionáriu sira nian. Tanba tuir nia, servisu ina iha instituisaun estadu nian sira sei la’o ho di’ak bainhira iha koperasaun ne’ebé maka di’ak entre funsionariu sira.

Tanba ne’e nia husu ba funsionariu sira, liu-liu dirijente ba diresaun nian inklui mós xefe departementu sira tenki iha kolaborasaun servisu ne’ebé maka di’ak ho nia funsionáriu sira hodi labele mosu dezentendementu iha instituisaun nia laran.

Vise ministru ne’e salienta mós nia parte hakarak halo enkontru ho funsionáriu sira hosi DNTPSC no DNRN, tanba diresaun rua ne’e hanesan dirasaun ne’ebé maka hala’o knár hanesan fó atendemetnu ba iha públiku.

Iha enkontru ne’ebé hetan mós partisipasaun hosi Diretór Jerál MJ inklui moós funsionáriu sira ne’e, Vise MJ ne’e husu ba funsionariu sira hosi diresaun refere tenki tau aspirasaun povu nian aas liu asuntu privadu.

Tanba tuir vise ministru ne’e bainhira ita fo atendemetentu ne’ebé maka di’ak ba iha publiku ema sei respeitu ni valoriza servisu ne’ebé maka ita hala’o, nune’e mós tenki halo atendementu ne’ebé maka hanesan ba iha sidadaun sira.

Hanesan funsionáriu Públiku tuir Vise Ministru ba IIV Governu Constitusionál ne’e tenki iha prinsipiu de loialdade, no tenki kumpri no halo tuir, nune’e mós ministériu justisa presiza servisu ho atendementu ne’ebé di’ak hosi funsionariu sir aba iha públiku.

Sebastioão hate hanesan funsionariu tenki kumpre dever hafoin iha ejije direitu, maibé nia parte fó kulpa ba iha Komisaun Funsaun Públika tanba seidauk iha ajustamentu ida adekuadu ho grau funsionáriu sira nian, miabe importante maka hanesan mákina estadu nian funsionariu tenki kumpri ninia dever dutir lei haruka.

Iha fatin hanesan Diretór Nasionál Registu Notariadu (DNRN), João Fernandes Borges Martins hato’o hato’o ninia agradesimentu ba iha Vise Ministru tanba bele iha hanoin ida di’ak hodi bele kria enkontru ho funsionáriu sira hodi bele rona direta saida mak dunrante ne’e sai hanesan prekupasaun funsionáriu sira nian.

Enkontru ne’ebé hala’o durante oras 2 resin iha Sala reuniaun DNRN nian ne’e, funsináriu sira husu ba vise ministru hodi bele tau konsiderasaun no atensaun másimu ba iha diresaun DNTPSC no DNRN, tanba durante ne’e liu-liu DNTPSC hatama reseita ba estadu ho valór ne’ebé boot maibé transporte ne’ebé maka atu suporta funsionáriu sira sei menus.*

Ananias Babo Horta
Relasaun Públika DNTPSC