Dili, MJ -Governu dahituk, Ministra Justisa S. E. Dra. Maria Ângela Carrascalão simu vizita hosi Country Director United Nations Development Programme (UNDP) Sr. Claudio Providas ho nian komitiva halo vizita kortejia mai Gabinete Ministra Justisa, hodi halo avalisaun ba programa tinan kotuk no hato'o programa ba tinan 2018, UNDP nian ne'ebé durante fó apoiu mai Ministériu Justisa, loron kinta feira, 16 – 11 – 2017.

Iha enkontru ne'e koa'lia kona'ba possibilidade koperasaun setór justisa entre Ministériu Justisa ho United Nations Developmment Programma (UNDP) iha Timor-Leste.
Ministra Justisa fó apresiasaun ba UNDP tanba fó nafatin asisténsia ba iha setór justisa, Timor-Leste agradese ho apoiu ájensia internasionál sira iha Timor – Leste. Ministra Justisa fó nian importansia liu ba formasaun lingua hanesan Ingles, Portugues, Tetun, ba serbisu judiciaria sira.
Enkontru ne'e Sr. Claudio Providas koalia kona'ba UNDP hanesan parseira Ministériu Justisa nian tanba kleur ona serbisu hamutuk iha area justisa, no Tribunal Rekursu hodi fornese suporta atividade Tribunal Movél. Iha Defensoria Públika meius apoiu justisa klinika assesu ba justisa hanesan iha Baukau no Suai, no fó apoiu hodi halo sosializasaun ba lei violensia domestika no lei kona'ba rai e propriadade. Iha Centru Formasaun Jurídika hodi fornese senior pedagogical adviser, no formador lingua portugues e tetun jurídika nain ida etc. Country Director United Nations Development Programme (UNDP) Sr. Claudio Providas mós orgulhu tebes ho prosesu dezenvolvimentu setór justisa nian iha Timor-Leste maske Timor-Leste foin ukun rasik A'an maibé dezenvolvimentu setór justisa nian komesa abansadu ona.
Enkotru ne'e termina iha oras 10:45