MANATUTO - S.E. Vice Ministru Justisa ba Governo dahituk nian Dr.Sebastião Dias Ximenes halao vizita serbisu ba Dirasaun nasional Terras Propriedades e Servisu Cadastrais no Registo Notariadu munisipiu Manatuto, atividade serbisu halao iha loron 28 Novembru 2017, oras 10.45 to’o 12.30 OTL.
Vizita ida ne'e atu hare'e besik funsionamentu serbisu setór justisa nian iha nível Munisipiu, liu – liu iha munisipiu Manatuto.
Aliénde ne'e S.E. Vice Ministru Justisa Dr.Sebastião Dias Ximenes, rona dezafiu ka preokupasaun sira mak Instituisaun Estadu/Governu hasoru lor-loron, liu – liu atendimentu públiku nian.
Iha Loron 28 Novembru 2017, oras 08:00 to'o 08:50, S.E. Vice Ministru Justisa ba Governo dahituk nian iha hotel Surprise Manatuto hetan vizita husi Administrador autoridade Munisipiu Manatuto Fernando D. de A. Sousa Junior, no komandante PNTl hodi koalia konaba halao serbisu koperasaun entre Instituisaun rua. S.E. Vice Ministru Justisa husu atu bele kopera serbisu hamutuk setór justisa ho Munisipiu Manatuto.
Terras e Propriedades no Registo Notariadu
Iha Loron 28 Novembru 2017 Oras 10:45 to'o 12:30, S.E. Vice Ministru Justisa Dr.Sebastião Dias Ximenes, hala’o vizita serbisu nian ba diresaun nasional terras propriedades e servisu cadastrais (DNTPSC) hodi hare'e serbisu ba kadastru no serbisu disputa ba rai. Diretór Terras e Propriedades Sr. Francisco Borges ne’ebe mak relata kona ba serbisu kada diresaun no eqipamentos ne’ebe mak menos tebes iha diresaun terras propriedades, estrutura funsionáriu permanente 7, casuais 2, atividade ne'ebé diresaun halo hanesan alokasaun, arendamentu, levantamentu kadastru, esporadik ho sistematíko, identifikasaun, mediasaun. Menus rekursu umanu, menus equipamentu informátika, Husu transporte atu halao serbisu operasaun atividade ba iha terenu no cleaner ne’be servisu tinan rua maibe la simu salario.

Aliénde ne’mos Diretor Terras e Propriedades hato’o ninia Agradecemento ba S.E. Vice Ministru Justisa Dr.Sebastião Dias Ximenes, tamba bele iha hanoin ida diak hodi bele halo encontro ho director no funsionariu Terras e Propriedades munisipiu Manatuto hodi bele rona direta saida mak durante ne’e sai hanesan dezafiu no preokupasaun ba funsionariu munisipio Manatuto nian.
Marka prezensa iha encontro ne’e mak; Vice Ministro Justisa, Sub-Inspector, Diretores , Chefes Departamentos, Funsionáriu Públik, Administradór Munisípiu Manatuto no Direjente Ministériu Justisa.