Dili – Governu dahituk, S.E. Ministra Justisa Dra. Maria Ângela Carrascalão prezide sorumutu ho doadores Internasinál hanesan : Japaun, Korea, Brazil, hosi Programa das Nações Unidas para o Desenvolvimento (PNUD) Timor – Leste, iha edifisiu UNDP, kai – koli Dili, loron segunda feira 04 Novembro 2017. Sorumutu ne'e ho amizavél tebes,além de Director United Nations Development Programme (UNDP) Sr. Claudio Providas hakarak kongratula S.E. Ministra Justisa tanba assume kargu iha VII Governu Konstituisinál RDTL, PNUD mós buka atu aprende "oinsa" mak bele dezenvolve parseriedade ( Joint programme ) ho Ministériu Justisa hodi nune'e bele haforsa liutan setór justisa iha Timor–Leste.
Ministra Justisa hatete apresiasaun ba UNDP (PNUD) ne'ebé fó asisténsia apoiu nafatin ba iha setór justisa Timor – Leste, agradese ho apoiu ájensia Internasinál hanesan : Japaun, Korea, Brazil. Ministériu Justisa fó nia importansia atu halo alargamentu mapa judiciaria liu – liu ba área remotas ne'ebé povu sira laiha asesu ba justisa, aumenta formasaun ba quardros justisa tanba iha limitasaun rekursu umanu. Husu mós ba apoiu parseiru internasionál sira atu ajuda tékniku hodi nune'e haforsa liutan setór justisa maibe tuir prioridades nasionál no presiza atu diskuti mais profunda kona-ba ne'ebé area ne'e deit mak persiza atu hetan apoiu.
Tuir mai apresentasaun hosi Sr. Januario Rangel Soares kona-ba programa tinan 2017 ne'ebé halao iha setór justisa no Planu Assaun Anuál 2018 ba importansia iha setór justisa nian.
Iha sorumutu ne'e akompanha S.E. Ministra Justisa, Country Director Sr. Claudio Providas, Defensoria Públika Dr. Sergio Hornai, Ministériu Públiku Dra. Zelia Tridade, Diretora (CFJJ), Dra. Marcelina Tilman da Silva, representante Tribunal Rekursu Dr. Higino Soares, hosi doadores internasinál ne'ebé hanesan : representa Embaixador Brazil Sr. Saul Sarmento, Embaixadora Korea Sra. Insun Her, Embaixadora Japaun Sra. Mizuho Fujimura.

Sorumutu ne'e termina iha 12:14, depois de lancha fahe malu.