Dili /MJ – Governu dahituk, S.E. Ministra Justisa Dra. Maria Ângela Carrascalão halao abertura ba semináriu United Nations Women (UN-W), ho topiku : Semináriu Kona-ba Rezolusaun Disputa Alternativu ne'ebé Sensível ba Jéneru. Akompanha S.E. Ministra Justisa, Embaixador Japaun Sr. Hiroshi Minami ho representante United Nations Women (UN-W) iha Timor - Leste Sra. Sunita Caminha, loron segunda feira 04 Novembru 2017.

Intervensaun S.E. Ministra Justisa hateten, tuir Konstituisaun RDTL nian dehan ona katak feto no mane iha direitu ne’ebé hanesan. Ohin loron, ita haree katak feto sira partisipa ona mos iha politika no pozisaun publiku nian. Maibé, to’o ohin loron, iha ita nia uma laran, ita sei aseita katak feto sira inferior kompara ho mane sira, no feto barak mak sei sai vitima ba violénsia doméstika.

Feto iha kapasidade bele hetan konfiansa atu kaer kargo ruma, laos mane mesak mak bele, iha komunidade perjisa justisa formal atu nune'e prevene konflito ba feto, diskriminasaun ba feto, diskriminasaun grupo ne'ebé laiha kbit laek hanesan grupo ne'ebé dificiente sira.

Oportunidade ba feto sira atu bele iha dezisaun ba poder ruma ne'ebé mak feto "IHA", nomós lei terras no propriedade atu bele hetan bens ba familia nian riku soin, nomós lei ne'ebé maka koalia kona-ba violensia domestika nomós lei seluk tan. Koalia kona-ba igualdade generu, nomós diskriminasaun ba feto no labarik sira as, oinsa maka atu konsidera feto sira nian ejizensia, dehan Ministra Justisa.

Ikus liu intervensaun representante United Nations Women (UN-W) iha Timor – Leste Sra. Sunita Caminha hatete iha tempu daudaun, rezolusaun disputa alternativa refleta diskriminasaun jeneru ne’ebé eziste iha ita nia sosiedade no la fó benefisiu ba ema hotu.

Maske esforsu barak mak dedika ona atu hametin tan sensibilidade jéneru iha sistema justisa formal, seminariu ne’e fo oportunidade atu bele komprende diak liu tan no enkoraja asaun sira hodi bele hadian tan mekanizmu ba rezolusaun disputa alternativa hodi bele kria rezultadu ne’ebé diak ba ema hotu-hotu.

Depois de abertura semináriu S.E. Ministra Justisa sei ba tuir sorumutu ho UNDP iha edifisiu UNDP (PNUD), kai- koli, Dili.