MINISTRA JUSTISA PARTISIPA SEREMÓNIA ATRIBUISAUN PRÉMIU DIREITUS HUMANUS " SERGIO VIEIRA de MELLO"

Dili -Palasio Presidente Nicolão Lobato, Governu dahituk, S.E. Ministra Justisa Dra. Maria Ângela Carrascalão partisipa Ceremónia de Atribuição do Prémio Direitos Humanos " Sergio Vieira de Mello ", akompanha membrus VII Governu Konstituisional, Deputadus, Diplomata, no familia manan nain sira, iha salau repúblika popular da china, loron sesta feira 15 Novembru 2017, oras 15:13.

Prémiu Direitos Humanos " Sergio Vieira de Mello " ba edisaun 10 tinan 2017 ho kategórias rua (2) hanesan : - Direitu Sivíl no Politiku. – Direitu Sosiál ekonomiku no Kultural. Selesaun ba kandidatus hamutuk 33 konkursu ne'e halao ho rigorozu, hodi hare rekezitus ba hakerek no selesaun liu hosi intervista.

Kandidatus ne'ebé liu hamutuk nain lima (5) ba Prémiu Direitos Humanos " Sergio Vierira de Mello " hanesan : Sr. Jose Valente Borges da Costa, Centro Esperansa Feto, Sr. Arsenio Pereira da Silva, Sr. António Caleres Junior ( Manan nain ba kategória Direito Sosiál Ekonomiku no Kultural ), Sr. João Teodusio Ximenes ( Manan nain ba kategória Direito Civíl e Politika ).

Aprezenta juri nain hat (4) hanesan selesaun Prémio Direitos Humanos " Sergio Vieira de Mello ", membru Conselho de Agraciamentu e Ordens Honorificos Dr. Francisco Vasconcelos nu'udar Chefe Casa Sivíl no preside Conselho ne'e, Sra. Domingas da Silva Alves " Bilou Mali" nu'udar membru efetivu, Francelino Guterres Sequeira nu'udar membru efetivu, Elsa Caminha Viegas.

Tuir mai leitura ba Dikretu Presidente da Repúblika RDTL, Premiu Direito Umanu nian “Sérgio Viera de Mello” ne´ebe harii husi Dekretu-Lei n.º 15/2009, 18 Marsu nian, atu rekonhece no destaka ba atividade sidadaun timor sira no estranjeiro sira nian, organizasaun guverno sira nian no naun-governamental nian, iha promosaun, ba defesa no divulgasaun ba Direitu Umanu sira nian iha Timor-Leste.

Tinan 2017 hanesan tinan ba dala sanulu ba fahe Premiu ne´e. Iha edisaun ne´e apresenta ona 33 (tolu nulo resin tolu) kandidaturas. Numeru ne´e hanesan prova ida ba sociedade timor ne´ebe kontinua hetan rede ida ba personalidade no organizasaun nian ne´ebe mak ho interesse ass no kapasidade atu promove Direitu Umano nian.

Konselho Agrasiamentu no Ordem Onorífika nian, ne´ebe mak harii husi Dekretu Presidente Repúblika nian n.º 13/2013, 24 julhu nian, ne´e analiza ona e apresia ba kandidatura sira, ho base kriterio selesaun nian nebe mak antes defini ona.

Tan ne´e, Presidente Repúblika, husi artigu 7.º kona ba poder iha Dekretu-Lei n.º 15/2009, 18 Marsu, no n.º2 artigu 2.º ba Regulamentu kona ba Prémiu Direitu Umanu nian “Sérgio Vieira de Mello”, nebe mak aprovadu husi Dekretu Presidensial n.º 54/2015, 8 julhu nian, tau konsiderasaun ba proposta Konselho Agrasiamentu e Ordem Onorífika nian.

Ikus liu Sua.Excia Ministra Justisa entrega prémiu ba manan nain Sr. João Teodósio Ximenes, hosi Aileu kategoria Direitu Civíl no Politika. Seremonia entrega prémiu hotu, hare mós foto esposisaun hosi gropu arte moris iha resinto Palasio Presidente Nicolão Lobato, depois de lancha fahe malu.

Seremonia ne'e termina iha oras 17:23.

Honorio Santos
Gabinete Ministra Justisa
Media Officer

Media Officer