VIZITA KORTEZIA VISE MINISTRO JUSTISA IHA SUAI MUNISIPIU COVALIMA

Versão para impressão

Covalima- Suai . Vise Ministru Justisa ba Governo dahituk nian Dr. Sebastião Dias Ximenes halao vizita serbisu ba Dirasaun Terras Propriedades e Servisu Cadastrais, Registo Notariadu No Defensor Publik Munisipiu Covalima, atividade serbisu ne’e halao iha loron 05 fulan Janeiru 2018, oras 10.00 to’o 11.30 OTL.
Vizita Kortezia ida ne'e atu hare'e besik Funsionamentu serbisu iha Setór Justisa nian iha Nível Munisipiu, liu – liu iha munisipiu Suai- Covalima.

Aliénde S.E. Vise Ministru Justisa Dr.Sebastião Dias Ximenes, rona Dezafiu ka Preokupasaun ne’ebe Maka Instituisaun Estadu/Governu hasoru lor-loron, liu- liu iha Atendimentu Públiku nian.

Diresaun Terras Propriedades e Servisu Cadastrais (DTPSC) Suai, Municipiu Covalima
Iha Loron 05 Fulan Janeiru 2018 Oras 10:00 to'o 10:30, S.E. Vise Ministru Justisa Dr. Sebastião Dias Ximenes, hala’o vizita serbisu nian ba Diresaun Nasional Terras Propriedades e Servisu Cadastrais (DNTPSC), Suai Municipiu Covalima, hodi hare'e serbisu ba kadastru no serbisu disputa ba rai. Diretór Terras e Propriedades Sr. Antonio Carceres Soares ne’ebe mak relata kona ba serbisu kada Diresaun no eqipamentos ne’ebe maka ladun Suficinte iha Diresaun Terras Propriedades, Estrutura funsionáriu permanente 5, casuais 2, atividade ne'ebé Diresaun halo hanesan alokasaun, arendamentu, levantamentu kadastru, esporadik ho sistematíko, identifikasaun, mediasaun. Menus rekursu umanu liu iha area Informasaun Teknologia (IT), menus Equipamentu , Husu Transporte atu halao serbisu Operasaun atividade ba iha terenu .

Diresaun Registo Notariado (DRN) Suai, Municipiu Covalima
Iha Loron 05 Fulan Janeiru 2018 Oras 10:30 to'o 11:00, S.E. Vise Ministru Justisa Dr. Sebastião Dias Ximenes, hala’o fali vizita serbisu nian ba Diresaun Nasional Registo Notariado (DNRN) Suai, Municipiu Covalima, hodi hare'e serbisu ba Registo Notariado. Diretór Registo Notariado Sr. Lino Do Nasimento ne’ebe mak relata kona ba serbisu kada Diresaun no eqipamentos ne’ebe maka ladun Suficinte iha Diresaun Registo Notariado, Estrutura funsionáriu permanente 6, atividade ne'ebé Diresaun halo hanesan atendementu ba Bilhete de Identidade (BI), atendementu ba Certidaun RDTL, Menus rekursu umanu liu iha area Informasaun Teknologia (IT) no menus Equipamentu.

Defensor Publik Suai, Municipiu Covalima
Iha Loron 05 Fulan Janeiru 2018 Oras 11:00 to'o 11:30, S.E. Vise Ministru Justisa Dr.Sebastião Dias Ximenes, hala’o vizita ikus liu ba iha Defensor Publik, Suai, Municipiu Covalima, hodi hare'e serbisu Defensor Publiko nian. Diretór Defensor Publik Dr. Marcel Amaral ne’ebe mak relata kona ba serbisu kada Diresaun no eqipamentos ne’ebe maka ladun Suficinte iha Diresaun Defensor Publik, Estrutura Funsionáriu Permanente 4, Menus rekursu umanu liu iha area Informasaun Teknologia (IT) no Husu Transporte atu halao Serbisu Operasaun Atividade ba iha terenu.
Aliénde ne’mos Diretor Terras e Propriedades , Diretor Registo Notariado no Diretor Defensor Publik hato’o Agradecemento bo’ot ba S.E. Vise Ministru Justisa Dr. Sebastião Dias Ximenes, tamba bele iha hanoin ida diak hodi bele halo encontro ho Director no funsionariu sira iha Suai, Munisipiu Covalima, hodi bele rona Direta saida mak durante ne’e sai hanesan dezafiu no preokupasaun ba funsionariu sira iha Suai munisipio Covalima.

Marka prezensa iha Encontro ne’e mak; Vise Ministro Justisa, Chefe Gabenete Vise Ministro , Diretores , Chefes Departamentos, Funsionáriu Públik no Direjente Ministériu Justisa Municipiu Covalima nian.

Juvenia Da Silva
Media Officer
Gabinete Vise Ministru Justisa