"Notícia em Português"
Dili, MJ -Governu dahituk, S.E. Ministra Justisa, Dra. Maria Ângela Guterres Viegas Carrascalão inspector ba serímonia Isár Bandeira iha Edifísiu Ministériu Justisa, iha Dili, loron primeiru segunda feira fulan Janeiru, (08-01-2018).
Serímonia Isár Bandeira iha loron primeiru Segunda-Feira fulan Janeiru 2018 nian responsabiliza hosi Gabinete Diretór Jeral Ministériu Justisa. Isár Bandeira kada fulan hala'o rotativamente, nune'e diresaun seluk sei hetan oportunidade hanesan iha fulan-fulan tuir mai.

Iha ninia diskursu iha Isár Bandeira ne'e Ministra Justisa hateten katak, fulan Janeiru hanesan primeiru fulan ne'ebé ijiji ita-hotu atu serbisu maka'as liutan, maske tinan ne'e dificil no ita labele hare ida ne'e, tanba paiz ne'e iha paz no damen. Iha rai Timor-Leste iha politika ne'ebé traquilidade, paz, ita iha obrigasaun atu serbisu maka'as serbisu ho domin, dame ba rai ida ne'e.

Hau husu ba Diretóres/a no Xéfe departamentu sira atu serbisu hatudu dezempenho ne'ebé diak hanesan servidor de Estadu, husu nafatin ba funsionárius tomak Ministériu Justisa atu serbisu kopera ba malu iha tinan 2018, hanesan familia bót hosi Ministériu Justisa.
Aliénde ne'e ninia diskursu, Ministra Justisa koalia mós fó ezemplo, Ita bót sira hare hanesan Prezidente Nicolão Lobato mate tanba fó nia Vida tomak ba prossessu luta libertasaun Timor-Leste hamrik hanesan paiz Demokratiku iha Mundu. BOM serbisu e BOM ANO.

Isár Bandeira ne'e hetan partisipasaun maximu hosi funsionáriu sira hosi diresaun hotu-hotu, inklui Diretór-Jeral, Inspetór-Jeral, Diretór Nasionál no Xéfe Departamentu sira ne'ebé mak foti formutura liña reta no espasu kapa'as.