REDE BA RAI SORUMUTU HO MINISTRA JUSTISA

Versão para impressão

"Notícia em Português"
Dili-MJ -Governu dahituk, S.E. Ministra Justisa, Dra. Maria Ângela Guterres Viegas Carrascalão, simu vizita ho representantes sosiedade sivíl / NGO gualu (8) hanesan ne'ebé halibur hamutuk iha Rede ba rai, loron segunda feira 08-01-2018. Sorumutu ne'e hodi rona prosesu ba implementasaun Lei titura ba rai, prosesu levantamentu kadastru nian, no disputa ba rai, solusaun no objetivu principal hosi politika ba rai iha futuru.
Iha sorumutu ne'e koordenador Rede ba rai Sr. Pedrito Viera hateten sosiadade sivíl / NGO Internasional iha Timor-Leste hamutuk 24 no tinan barak NGO sira sai nu'udar parseiro ba Ministériu relevantes hanesan Ministériu Justisa, liu-liu terras e propriedades assuntu kona-ba rai. NGO sira mós hanesan prosessu ba dezenvolvimentu ba Timor-Leste.
Tuir mai sei halo apresentasaun kada NGO ne'ebé mai marka presensa / partisipa iha sorumutu ne'e.
Kestaun lubuk ida ne'ebé hetan explikasaun hosi S.E. Ministra Justisa, sai nu'udar mata dalan ba sosiadade sivíl hodi hatene politika jeral ba rai hosi Estadu RDTL, entre assuntu sira esklarese katak ba sosiadade sivíl hodi hatene liu tan kona-ba prosesu lei sira ne'e. S. E. Ministra Justisa hatutan adopta diploma legal hirak ne'ebé sei komplementa no regulamenta Lei ba rai, mak hanesan : 1. Rejime hodi identifika ema koletiva nasional sira ne'ebé bele sai titular ba direitu propriedades kona-ba bens imoveis sira. 2. Rejime utilizasaun no dispozisaun ba bens sira domíniu privadu Estadu nian. 3. Rejime kona-ba zona protesaun komunitária no bens imoveis sira komunidade nian.Ikus liu Ministra Justisa hato'o nia aprisiasaun bót ba NGO sira ne'ebé ohin mai marka presensa hodi fahe ideias ba malu no buka liutan solusaun ba prekupasaun ne'ebé sosiadade sira hasoru.
Diretór Diração Nacional Assessoria Jurídica e Legislação (DNAJL), Dr. Nelinho Vital hateten lei ne'ebé públika hosi Ministériu Justisa, lei ne'e aprova ona, no halo ona tradusaun ba lingua Tetun, no agora iha preparasaun ba sosializasaun.
Molok sorumutu ne'e remata ka terimina Rede ba rai fó hanoin katak sira sei hakarak halo sorumutu ho tékniku ne'ebé serbisu iha terras e propriedades iha tempo oin mai, hodi diskuti assuntu hanesan no rona prespetiva politika, no rona tekniku sira hodi solusiona ka redus konflitu ba rai iha Timor-Leste, nomós hatudu sira protidão atu sai nafatin parseiro ba Ministériu Justisa.

Sorumutu ne'e kuaze 30 minutu, no termina iha oras 16:26.

Honorio Santos
Media Officer
Gabinete Ministra Justisa