"Notícia em Português"
Dili/CFJJ,Governu dahituk, S.E. Ministra Justisa Dra. Maria Ângela Guterres Viegas Carrascalão
halao abertura / loke semináriu liu hosi Gabinete Inspesaun Geral Auditoria, ho titulo :
MELHORAR O DESEMPENHO DO MINISTÉRIU DA JUSTISÇA PARA O ANO FISCAL DE 2018,ATRAVEZ DA IDENTIFICAÇÃO E MITIGAÇÃO DOS RISCOS PARA ALCAÇAR OBJECTIVOS DAS DIREÇÕES COM QUALIDADE, EFICIENCIA,EFICACIA, PROFESSIONAL E TRANSPARÊNCIA, loron tersa feira 09-01-2018.

Ministériu Justisa tenke sai ezemplu ba implementasaun Boa Governasaun. Iha tinan 2018 funsionárius Ministéiru Justisa nu'udar sidadaun iha dever atu kaer metin tema ida ne'e nian ba tinan ne'e, sai sidadun diak sai herois foun ba Nasaun Timor-Leste. Funsionárius públikus Ministériu Justisa iha dever atu hatene no konhese deveres no responsabilidade tuir Lei Funsaun Públiku, nune'e mós hatene Leis ka regulamentu seluk atu bele ezerse nian funsaun proffisional.

Iha lian nakloke Inspetór Gabinete Inspesaun Geral Auditoria (GIA), Dr. Lucas António da Costa hateten iha semináriu ne'e atu avalisaun serbisu tinan 2017, ne'ebe hosi diresaun tolu (3) hanesan, Direção Nacional Registo Notariado (DNRN), Direção Nacional Terras e Propriedades (DNTP), Direção Nacional dos Servoços Prisioneiros e Reinserção Sosial (DNSPRS), hetan risco ba serbisu liu-liu atedimentu públiku no orsamentu aloka ba diresaun sira ne'e. Durante ami halo inspesaun hetan 28 causos ne'ebé iha diresaun tolu (3) ne'e hasoru liu-liu ba diresaun Registo Notariado no Terras e Propriedades, atu buka rekursus para halo mudansa serbisu ba tinan 2018. Sei iha mós halo avaliasaun ba serbisu lor-loron hosi diresaun tolu (3), ne'ebé Gabinete Inspesaun Auditoria halo ona.

Vise Ministru Justisa hateten seminária ne'e importante tebes ba Ministériu Justisa atu hadia buat ne'ebé seidauk halo serbisu ho diak iha Ministériu Justisa. Ita hotu hanesan servidor ba povu, oinsa atu serbisu ba tinan 2018. Hau husu ba ita bót sira mai hosi Munisipiu atu apreveita ho diak, hodi ba implementa ba maluk sira iha Munisipiu neba.

Intervensaun S.E. Ministra Justisa Dra. Maria Ângela Guterres Viegas Carrascalão hateten fó aprasiasaun bót ita hotu ne'ebé ohin loron ne'e marka prazensa iha fatin ne'e. Iha Gabinete Inspesaun Auditoria (GIA), aprezenta rezultadu serbisu ne'ebé hosi inspesaun auditoria halo investigasaun atu identifika kona-ba risku maior sira ne'ebé diresaun tolu (3) ne'e sei hasoru iha futuru; husu mós ba dirigentes sira no kargu chefias sira mak sei avalia rasik sira nia fatór risku sira no define estratejia ka planu espesifíku (Risku Control) hodi hasoru risku sira ne'ebé mak identifikadu. S.E. Ministra Justisa hateten mós ita bót sira katak Gabinete Inspesaun Auditoria (GIA), halo avalisaun ba risku sira ne'ebé identifikadu ona ne'e, hodi hasa'e koñesimentu dirigentes, kargu chefias no ofisias sira nian, ba hamenus risku hodi atinji objetivu instituisaun nian.
Nune'e mós atu reforsa kontrolu dirigentes no chefias sira, hodi kontrola didiak ba sub ordenadu sira ka ofisiais sira atu kúmpri regras no regulamentu ne'ebé existe iha funsaun públiku nian.
Hau nu'udar Ministra Justisa hodi lidera Ministériu Justisa nian, hahu dadaun ona prosesu reforma administrasaun públika nian, liu-liu hosi auto-avalisaun ba serbisu instituisaun públika nian, ho objetivu atu garante produtividade instituisaun sira hodi halo ezekusaun ba planu, hodi hetan nia rezultadu ida ne'ebé mak benefísia no responde ba nesesidade komunidade nian.

Gabinete Inspesaun Auditória (GIA), halo avaliasaun ba risku sira ne'ebé identifika ona, ho nune'e liu hosi semináriu ohin nian ne'e husu atu ita hotu buka solusaun diak ba problema sira ne'e, buka estrategia ne'ebé diak kona-ba financeira atu bele lao ho transparente, atu nune'e ita bele kontribui ita nia prestasaun ba serbisu iha Administrasaun Públiku ho diak. Ikus liu Ministra Justisa apela ba dirigentes, kargu chefias, officiais no tekniku sira atu hamutuk hodi fahe ideias, opiniaun no buka hatene problema nia HUN, solusaun no asaun ba dezenvolvimentu ho nune'e ba futuru labele mosu tan problema no risku ne'ebe hanesan.
ITA SAI FUNSIONÁRIU ATU SERVI BA POVU.

Iha semináriu ne'e hetan partisipasaun maximu hosi funsionárius sira hosi diresaun hotu-hotu, inklui Inspetór-Jeral, Diretór Nasional no Xéfe Departamentu.
Semináriu ne'e sei halao enseramentu hosi Vise Ministru Justisa iha oras 17:00 lokraik.