"Notícia em Português"
Dili, GMJ , loron segunda feira, 15 Janeiru 2018, Ministra Justisa Dra. Maria Ângela Guterres Viegas Carrascalão, lidera reuniaun konsellu konsultivo (KK), akompanha Vise Ministru Justisa Dr. Sebastião Dias Ximenes, iha sala reuniaun Gabinete Ministra Justisa.
Tinan foun 2018, hahu 1 de janeiro tama ona em vigor rejime duodésimal ne'ebé prevé iha artigo 31 lei no 13/2009, loron 21 fulan Outubru (Orsamentu no Jestaun Finanseira), tanba orsamentu foun seidauk hetan aprovasaun to'o iha loron ne'e, ne'ebé koresponde inisiu ano financeiro Orsamento Jeral Estadu ba tinan 2018.

Iha situasaun hanesan ne'e, lei fó dalan ba Governu atu rekore ba rejime duodésimal hodi asegura finansiamentu naton atu nune'e Estadu bele kontinua fó prestasaun serbisu ba populasaun, selu saláriu ba kolaborador sira Estadu nian, atu onra kompromisus sira ne'ebé halo ona no atu asegura funsoens hotu Estadu nian.
Reuniaun envolope fiscal ne'e tuir ajenda mak introduz hosi Diretór Jeral Ministériu Justisa Dr. Henrique de Oliveira Ximenes hanesan tuir mai ne'e :
-Lala'ok no proseduria ba Ezekusaun Orsamentu duodésimu nian;
-Planu atividade kada diresaun no orgaun tutela no relatóriu ba Ezekusaun Orsamentu.
-Diversus.
Iha reuniaun envolope fiscal ne'e Ministra Justisa hato'o agradesimentu ba Diretores hamutuk sanulu resirua (12) ho ofisiais ne'ebé akompanha Diretores sira. Hau husu ba Diretóres sira iha Ministériu Justisa atu ezekuta orsamentu duodésimu ne'ebé to'o fulan nén (6), ho rigor no kúmpri prosedimentu LEGAIS ka tuir lei ne'ebé iha ona. Tanba situasaun ida ne'e foun ba Ministériu Justisa ho nune'e ita hotu atu hatene didiak ezekusaun orsamentu duodésimu ne'ebé difini tuir ITENS ba planu hodi halao poupansa orsamentu duodésimu bele to'o fulan nén (6) oin mai, no tuir nesessidade ka prioridade atu ezekuta orsamentu duodésimu ho diak fulan-fulan tuir envolope fiscal nian.

Iha enkontru tékniku Ministériu Finansas partisipa hosi Ministériu Justisa, Diretór Diresaun Nasional Administrasaun Finansas (DNAF), Dr. Crisogno Neto akompanha Sra. Rosinha Maria das Dores Conceição, Sra. Carmen Fatima Moniz Soares. Diretór Diresaun Nasional Administrasaun Finansas (DNAF), Dr. Crisogno Neto halo explikasaun kona-ba sirkular no 2/2018, sirkular ida ne'e relasiona preparasaun no ezekusaun orsamentu temporaria (DOT), no lei fó dalan ba Governu atu aprova orsamentu duodésimal, tuir regras no tékniku ezekuta orsamentu duodésimu ne'ebé aprova ona ba fulan ida (1), no autoriza automatikamente sistema Performance Budgeting tuir nesessidade prioritarios iha periodu duodesimu.
Tuir mai kada diresaun ida-ida hato'o sira nian prokupasaun ba ezekusaun orsamentu duodésimu, hosi Gabinete Inspesaun Auditoria (GIA) Dr. Lucas António da Costa hateten kompania parseiro Ministériu Justisa ne'ebé fornese material escritório oinsa atu selu fulan-fulan ka tuir planu iha ona.
Ikus liu Vise Ministru Justisa hato'o nian mensagen ba Diretores hotu-hotu atu disiplina ba ezekusaun orsamentu duodésimu no tuir procedimentu LEGAIS tuir lei ne'ebé iha ho nune'e hau husu mós Diretores sira sei duvidas ba ezekusaun orsamentu duodésimu bele husu explikasaun hosi Diretór Diresaun Nasional Administrasaun Finansas (DNAF), Dr. Crisogno Neto.
Enkontru konsellu konsultivo hahu tuku 15:00 to'o tuku 17:30.