"Notícia em Português"
Oé-cusee-Ambeno, Sra. Ministra Justisa Dra. Maria Ângela Carrascalão hamutuk Sua. Exelência Primeiru Ministru Dr. Mari Bim Amude Alkatiri, ofisialmente halo lansamentu ba Passaporte Eletróniku Timor-Leste (PETL), edifisiu Konservatóriu Registu Sívil iha Região Administrativa Especial de Oé-cusse Ambeno (RAEOA), loron segunda feira 26-02-2018.
Intervensaun Sra. Ministra Justisa hateten povu Oé-cusse bele sai administrasaun ne'ebé diak, ho passaporte eletróniku nia kualidade no hetan numeru hát (4) iha asiatiku. Passaporte eletróniku sistema modernu no dadus pesoal sei tau iha microchip nia laran, seguru no autentiku, hanesan padraun ne'ebé hatu'ur ona hosi Internasional Civil Aviation Organization (ICAO), katak passaporte eletróniku foun tuir ona padraun Internasional.

Timor-Leste komesa Oé-cusse no ohin ita hahu loke lansa passaporte eletróniku hosi Oé-cusse ba Munisipiu sira seluk hotu. Passaporte eletróniku hodi garante seguransa dadus Timor-oan nian atu Viagem ba rai liur hanesan etudantes, negosiantes sira ne'ebé halo negosius iha rai liur nebá.
Tuir mai intervensaun hosi S.E. Primeiru Ministru Dr. Mari Bim Amude Alkatiri hateten passaporte eletróniku ne'ebé diak liu iha mundu só nasaun walu (8) deit inklui Timor-Leste mak utiliza ona. Passaporte ne'e rasik susar atu falsifika no ohin Enclave Oé-cusse la persiza ba Dili hodi trata passaporte maibé Governu liu hosi Ministériu Justisa sentraliza ona tratamentu iha Konservatóriu Registu Sivil (RAEOA).

Atu ba rai liur persiza passaporte maibé passaporte barak ita hare iha mundu ne'e atu halo passaporte falsu fasil tebes tanba ne'e teknolojia avansa daudaun nune'e atu evita falsifikasaun ba dokumentus ne'e. Agora desentraliza ona passaporte eletróniku iha Oé-cusse ita lapersiza usa ona dalan "TIKUS" atu ba Kupang no Atambua. Antes ne'e lansamentu iha Registu Notariadu Nasional hala'o 05-05-2017 no iha Oé-cusse, Governu sei alarga tán ba Munisipiu sira seluk iha Timor-Leste.
Serimónia lansamentu ne'e partsipa mos Vise Ministru Justisa no direjentes Ministériu Justisa, direjentes autóridade lokais no komunidade Oé-cusse Ambeno. Serimónia lansamentu ne'e hahu tuku 9:32 no termina 10:47, depois almoso hamutuk fahe malu.