Baucau, Ministra Justisa Dra. Maria Ângela Carrascalão halo vizita kortizia ba instituisaun tútela Ministériu Justisa nian mak hanesan; Registu Notariadu no Konservatóriu, Terras e Propriedades, no Defensoria públiku Munisipiu Baucau, loron kinta feira, lokraik tuku 15:30, 22-03-2018.
Sra. Ministra Justisa Dra. Maria Ângela Carrascalão halo dialogu ho Diretóres sira, no Diretóres sira apresenta dezafius ne’ebé sira hasoru no servisu balu ne’ebé sira atinzi ona. Oportunidade ne’e sira mós partilha agradesimentu ba prezensa Sra. Ministra Justisa Dra. Maria Ângela Carrascalão, atu buka hatene obstakulu ne'e no buka meius hodi resolve.

Loron 24-03-2018, Sra. Ministra Justisa Dra. Maria Ângela Carrascalão, akompaña S. E. Primeiru Ministru Dr. Mari Bim Amude Alkatiri ho membrus VII Governu Konstituisional hala’o vizita kortizia ba eskola tékniku FATU-MAKA hodi hare konstrusaun uma no hare deretamente prosesu apredijajem ba estudantes sira. Alén de ida ne’e amo Locatelli halo esplikasaun deretamente ba S.E. Primeiru Ministru ho ninia komutiva kona-ba konstrusaun uma no apredisagen eskola tékniku Fatu-Maka nian.

Depois de vizita komutiva Sra. Ministra Justisa fila hikas mai Dili.