Lospalos–Lautem, Vise Ministru Justisa Dr. Sebastião Dias Ximenes halao vizita servisu nian ba iha Dirasaun Terras Propriedades e Servisu Cadastrais no Registo Notariadu Munisipiu Lautem, Atividade servisu ne’e halao iha loron 20 Fulan Março 2018, Oras 14.00 to’o 17.20 OTL. Vizita Servisu ida ne'e atu hare'e besik oinsa Funsionamentu servisu iha Setór Justisa nian iha Nível Munisipiu, liu – liu iha Munisipiu Lautem.
S.E. Vise Ministru Justisa Dr. Sebastião Dias Ximenes, halo Encontru ho Funsiunariu sira husi Dirasaun Terras Propriedades e Servisu Cadastrais no Registo Notariadu Munisipiu Lautem, Encontru iha oras tolu nia laran ne’e hodi rona diretamente Problemas, Sugestão no dezafius ne’ebe maka Diresaun rua ne’e hasoru lor-loron iha terenu no liu- liu ba iha Atendimentu Públiku nian iha Munisipiu Lautem.
Além de ne’e S.E. Vise Ministru Justisa Dr.Sebastião Dias Ximenes, Apela mos ba Funsiunariu sira atu foo atendimentu nebe Qualidade ba publiku tamba ita hanesan servidor povu nian no servisu tuir oras servisu nian.
Diresaun Terras Propriedades e Servisu Cadastrais (DTPSC) Munisipiu Lautem,

Iha Loron 20 Fulan Março 2018, Oras 14.00 to’o 17.20 OTL, S.E. Vise Ministru Justisa Dr. Sebastião Dias Ximenes, encontru ho Dirasaun Terras Propriedades e Servisu Cadastrais Munisipiu Lautem, hodi hare'e servisu ba kadastru no serbisu disputa ba rai. Diretóra Terras e Propriedades Sra. Regina De Jesus Ribeiro hato’o nia Agradecementu bo’ot ba S.E. Vise Ministru Justisa Dr. Sebastião Dias Ximenes, ne’ebe ba vizita no Encontru ho Funsionariu sira iha Munisipiu Lautem..
Além de ne’e Sra. Regina De Jesus Ribeiro mos relata kona ba servisu kada Diresaun no Eqipamentos ne’ebe maka la Suficinte tebes iha Diresaun Terras Propriedades, Estrutura Funsionáriu Permanente 6 Casuais 4, atividade ne'ebé Diresaun halo hanesan Alokasaun, Arendamentu, Levantamentu Kadastru, Esporadik Ho Sistematíko, Identifikasaun, Mediasaun.
Dezafiu ne’ebe maka Diresaun Terras Propriedades e Servisu Cadastrais hasoru maka hanesan Menus tebes Rekursu umanu liu-liu iha area IT, Menus Equipamentus, laiha Formasaun atu foo Treinamentu ba Funsionariu sira hodi bele servisu ho Profesionalismu, No laiha Transporte e Motorizada atu halao servisu Operasaun Atividade ba iha terenu.
Diresaun Registo Notariado (DRN) Munisipiu Lautem
Iha Loron 20 Fulan Março 2018, Oras 14.00 to’o 17.20 OTL, Vise Ministru Justisa Dr. Sebastião Dias Ximenes, encontru ho Diresaun Registo Notariado (DRN) Munisipiu Lautem, hodi hare'e servisu ba Registo Notariado nian. Diretor Registo Notariado Sr. Nixon, ne’ebe mak relata kona ba servisu kada Diresaun no Eqipamentos ne’ebe maka la Suficinte tebes iha Diresaun Registo Notariado, Estrutura Funsionáriu Permanente 5, Notario 1 Atividade Ne'ebé Diresaun Halo Hanesan Atendementu Ba Certidaun Rdtl, Certidaun Cazamento No Certidaun Óbito ho Bilhete de Indentidade (BI).

Dezafiu ne’ebe maka Diresaun Registo Notariado (DRN) Munisipiu Lautem, hasoru maka hanesan Menus Rekursu umanu liu-liu iha Area IT no Menus Equipamentus no laiha Formasaun atu foo Treinamentu ba Funsionariu sira atu bele servisu ho Profesionalismu, No laiha Transporte no Motorizada atu halao servisu Operasaun Atividade ba iha terenu.
Marka prezensa iha Encontro ne’e maka; Vise Ministro Justisa, Diretores, Notario no Funsionáriu Ministériu Justisa Munisipiu Lautem nian.
Vizita Servisu ne'e termina iha oras 17:20, komitiva Vise Ministro Justisa kontinua fali Vizita Servisu nian ba iha Minisipiu Viqueque.