SORUMUTU BILATERAL Sra. MINISTRA JUSTISA TIMOR-LESTE HO MINISTRU ESTADU KOORDENADOR ASUNTU SOSIAL, JUSTISA e FORTALESIMENTU INDIA

"Notícia em Português"
Dili- MNEK, Sra. Ministra Justisa Dra. Maria Ângela Carrascalão, akompaña Diretóra Jeral Ministériu Justisa Dra. Marcelina Tilaman da Silva, Diretór DNAJL Dr. Nelinho Vital, Xefe Gabinete Ministra Justisa Dr. Lourenço Tavares Ferreira, Assessor Internasional Dr. Hugo Martins,
hala'o sorumutu bilateral ho nian hómologu Ministru Estadu Koordenador Asuntu Sosial, Justisa e Fortalesimentu India Dr. Khrishan Pal Gurjar, Iha salaun Institutu de Estudu Diplomatiku MNEK, loron segunda feira 09-04-2018.

Sorumutu ne'ebé nakonu ho amizade ne'e hala'o durante oras ida nia laran. Durante sorumutu ne'e , halo diskusaun barak liu kona-ba Infra-estrutura, Agrikultura e Peska, Saúde, Edukasaun entre nasaun rua (2) nian.
Iha biban ida ne'e Ministru Estadu Koordenador Asuntu Sosial, Justisa e Fortalesimentu India Dr. Khrishan Pal Gurjar, sujere atu fó apoiu ba defesa seguransa marítima mai Timor-Leste.

Iha sorumutu ne'e hanesan sinal ida diak ba hametin liu tán laxu amizade entre nasaun rua (2), Timor-Leste ho India.

Honorio Santos
Media Officer
Gabinete Ministra Justisa