VISE MINISTRO JUSTISA HALO ABERTURA BA SELEBRASAUN ANIVERSÁRIO JSMP BA DALA XVII NO LANSAMENTU RELATÓRIU 2017

Dili-Novo Turismo, Vise Ministru Justisa Dr.Sebastião Dias Ximenes, Halao Abertura Ba Selebrasaun Aniversario JSMP (Judicial System Monitoring Program) Ba Dala XVII No Lansamentu Relatóriu Anual 2017 mak hanesan tuir mai ne’e : Relatoriu Observasaun Jeral Setor Justisa 2017, Relatoriu Observasaun Parlamentu Nasional 2017, No Relatoriu Institusional 2017, Iha Loron 27 Fulan Abril 2018 Oras 10.00 Too 12.00 Otl.
Vise Ministru Justisa Konsidera katak Relatoriu ne’e Importante tamba bele sai hanesan lalenok ba ita liu-liu iha setor justisa nian, hodi dezempenha ita nia funsaun tuir lei haruka. Tuir relatoriu ne’ebe foo sai husi JSMP kona ba lalaok Justisa nian iha ita nia rai larandurante tinan 2017,hatudu katak, kazu krimi nia nomeru sei bo’ot nafatin (kazu krimi 941 iha tinan 2016 no 829 iha tinan 2017) se kompara ho kazu civil ne’ebe iha rua (2) deit. Ida ne’e hatudu mai ita katak ita nia komunidade em jeral seidauk hakribi ka husik violensia husi sira nia vida.

Antes atu termina, aproveita oprtunidade ida ne’e hau kongratula JSMP ne’ebe ohin halo tinan ba dala 17, ‘’Parabens ba Ita Bo’ot sira, Desejo Ita bo’ot Sira Susesu Nafatin Iha Servisu Hodi Sai Hanesan Lalenok Ida Diak Liu Tan Nomos Hanesan Parseiru Importante Ida Ba Parte Justisa Nian’’, Ikus mai hau Deklara Abertura ba Selebrasaun ne’e.
Iha Selebrasaun ne’e hetan Partisipasaun husi : Vise Ministru Justisa, Procurador Geral, Vise Ministru Educação, Administrador Tribunal Dili, Religioso, Representante Pdhj, Representante Cac, NGO Local No Internasional No Seluk-Seluk Tan.

Juvenia Da Silva
Media Officer
Gabinete Vise Ministru Justisa