Sra. MINISTRA JUSTISA SAI NU'UDAR INSPETÓR BA ISÁR BANDEIRA IHA MINISTÉRIU JUSTISA

Dili-MJ, Sra. Ministra Justisa Dra. Maria Ângela Carrascalão sai nu'udar Inspetór ba serimónia Isár Bandeira ne'ebé partisipa husi Diretóres Nasionais, Inspetór Jeral, Chefe departamentu no funsionárius iha âmbitu Ministériu Justisa, loron 7 de Maio de 2018.
Governu Timor-Leste tau ona Instituições governu nia hanesan Isár Bandeira atividade rutina governu nian iha primeira semana kada fulan. Isár Bandeira mós atividade obrigatóriu ba funsionárius públiku sira hodi partisipa nomós hodi hasa'e funsionárius sira nian disiplina Nasionalismu no Patriotísmu. Iha serimónia Isár Bandeira iha loron primeiru segunda-feira fulan Maio 2018 nian responsabiliza husi diresaun DNDHC, GIA, CFJJ. Isár Bandeira kada fulan hala'o rotativamente, nune'e diresaun seluk sei hetan oportunidade hanesan iha fulan-fulan tuir mai.

Diskursu husi Sra. Ministra Justisa hateten semana ida ne'e, semana espesial ida, tanba ita hotu-hotu hanesan Timor-oan komesa halo reflesaun bót ba saída ita hakarak ba futuru nasaun Timor-Leste. Hanesan Timor-oan Konstituisaun rasik fó direitu ba ita tama iha vida públika, iha artigo ida ne'ebé koalia lolos iha artigo 46, ita nian direitu ida ne'e mós lori mai ita nian obrigasaun barak-barak hanesan funsionáriu de estadu ita mak fó ezemplo katak ita hatene ona saída mak moris iha demokrasia nian laran, ita mak hatene esforsu atu harií estadu de dereitu. Agora tempo to'o ona para ita halo reflesaun ita ida-idak bele hili partidu ne'ebé ita bót sira hakarak no diak liu ba ita bót hanoin ba Timor-Leste, maibé tenki halo ho konsiensia. Waihira segunda-feira oin mai eleisaun liu ona, ita hanoin katak dereitu ne'ebé ita iha, ita uza ona iha loron sabadu 12 de Maio, agora tempo atu uza obrigasaun ida – idak hakarak dehan katak naran se mak manan tenki sai hanesan vensedor, tenki hanesan ema vensidu, hanesan ne'e mak Timor-Leste bele ba oin. Tanba ita servidor de estadu Laos estadu mak servi fali ita, waihira ita servidor de estadu ita tenki kontribuisaun maka'as ba estadu ida ne'e bele ba oin.

Honorio Santos
Media Officer
Gabinete Ministra Justisa