Sra. MINISTRA JUSTISA PARTISIPA SERIMÓNIA JUDISIUM HUSI FAKULDADE DIREITU UNTL

Dili-Fundasaun Oriente, Loron 18-05-2018 Sra. Ministra Justisa Dra. Maria Ângela Carrascalão partisipa serimónia judisium husi fakuldade de direitu hamutuk ema nain sanulu resin hát no entrega notas. Iha serimónia ne'e akompaña Sra. Ministra Justisa, decano fakuldade direitu Dr. Isidoro da Costa Viana, Vise decano dos assuntos estudantil Dr. Paulino do Carmo.
Intervesaun Sra. Ministra Justisa hateten katak, hau nudar professora da Faculdade de Direito, hau fiar katak grupo ida ne’e mak tinan barak ona iha nota ne’ebe diak ne’ebé sei kontribui ba ita nia rai Timor-Leste nu'udar Estadu de Direitu. Hau akompanha sira nia vida desde tinan uluk no sira iha konsiênsia, hau professora mos exigente duni no ikus hau bele fó orgulho no hau hatene lolos katak imi mak diak liu.

Imi nu'udar estudante Faculdade de Dieitu UNTL sei sai governante no komponente Timor-Leste nian, tán ne’e, hau fiar katak Estadu Timor-Leste sei hein ita bót sira nia kontribuisaun ba rai ida ne’e. Hau nia parabéns profunda mós ba imi nia família, tamba Fakuldade de Direitu UNTL la hetan imi (jurista) sira, se bainhira imi mós la fó ajuda, dala ida tán parabéns ba imi família.
Hau fiar katak imi sei hetan Gabinete Ministeriais ne’ebé existe iha Timor-Leste, imi estudante ne’ebé melhor liu. Fakuldade de Direitu precisa ita bót sira nia esforsu ba kontribuisaun rai ida ne’e nian, hau laiha duvida ba trabalho nian tamba konserteja imi sei kontribui ba rai ida ne’e.

Ikus, hau fiar katak imi sei sai jurista ne’ebé diak liu iha Timor-Leste. Iha Fakuldade de Direitu UNTL iha difikuldade ne’ebé bót maibé nunka desiste, maibé imi nafatin kontinua estuda no ikus tenke akaba duni imi nia kursu, hau espera imi nia kontribuisaun ba rai ida ne’e, rai ida ne’e mós presija jovem ne’ebé ho kualidade, parabéns dala ida tán ba imi nia família tomak ne’ebé fó apoiu no ikus imi finaliza imi nia kursu, hau hatene katak imi sei okupa fatin ruma iha Timor-Leste.

Honorio Santos
Media Officer
Gabinete Ministra Justisa