Díli, MJ – Segunda feira (25 /06/ 2018)semana ne'e, nuudar loron dahuluk S.E. Ministru Justiça hahu knar, nuudar Ministru da Justisa, depois de simu pose iha Sexta feira (22 /06/2018) semana kotuk.
Ministru Justisa, Dr. Manuel Cárceres, hahu kedas primeiru reniaun ho funsiunariu tomak Ministériu Justisa nian, hodi komprementa no kolia sobre ambitu serbisu iha Ministériu.
Enkontru ne'ebé hala'o durante 30 minutus ne'e S.E. Ministru Carceres, husu ba Funsionariu atu lalika tauk, atu kritika, tanba ema ne'ebé kritika ita ne'e, ema ne'ebé laran mós ba ita.

Alende komprementa funsionariu no membru Konsellu Konsultivu sira, Sr. Ministru Justiça, kontinua kedas hala'o vizita trabalho ba iha Diresaun Nasionál Terras, Propriedade no Serviço Kadastru (DNTPSC-sigla portugues), no kontinua ba iha Diresaun Nasionál Rejistu Notariadu (DNRN) iha Bebora, Dili. Vizita trabalho ne’e, hetan mós akompañamentu husi Sekretáriu Estadu Terras Propriedade e Serviço kadastras, Sr. Mario Ximenes.

Iha enkontru parte loarik refere S.E. Ministru Justica husu atu kada Diresaun Jeral hatoo informasaun jeral sobre serbisu kada diresaun jeral no ambitu serbisu iha kada diresaun.