Sra. MINISTRA JUSTISA PARTISIPA SERIMÓNIA APRESENTASAUN RESULTADUS RESEITAS KOBRANSA IHA REGIÃO ADMINISTRATIVA ESPECIAL OÉ-CUSSE AMBENO

Oé-cusse-Amebno, loron tersa-feira 05-06-2018, Sra. Ministra Justisa Dra. Maria Ângela Carrascalão hamutuk ho S. Excia. Primeiru Ministru Dr. Mari Bin Amude Alkatiri, no membrus VII Governu Konstitusional partisipa iha serimónia Apresentasaun Resultadu Reseitas Kobransa iha Região Administrativa Especial Oé-cusse Ambeno (RAEOA), iha salaun alfândega palaban Oé-cusse Ambeno.
Região Administrativa Especial Oé-cusse Ambeno, Zona Especial de Economia Social de Mercado da Timor-Leste (RAEOA e ZEESM – TL), hatudu resultadu liu husi halo kobransa reseitas ba Região Administrativa Especial Oé-cusse Ambeno (RAEOA), ne'ebé husi dezenvolvimentu akontese iha Oé-cusse Ambeno hanesan fó retornu económico, retornu social, retornu financeiras.

Tuir mai apresentasaun relatóriu ezekusaun atividade ba dezenvolvimentu liga ba kobransa reseitas iha Região Administrativa Especial Oé-cusse Ambeno no Zona Especial de Economia Social de Mercado de Timor-Leste (RAEOA E ZEESM), nune'e mós hala'o lansamentu relatóriu ba reseitas Região Administrativa Especial Oé-cusse Ambeno (RAEOA) nian durante tinan tolu (3), husi Sra. Leonia Monteiro.

Iha serimónia ne'e partisipa mós husi Empresariu, Autóridades lokais no komunidade husi postu administrativu hát (4) iha Oé-cusse Ambeno.

Honorio Santos
Media Officer
Gabinete Ministra Justisa