Dili, MJ: Kinta feira (06/09/2018) semana kotuk, S.E. Ministru Justisa, Dr. Manuel Cárceres loke sesaun apresiasaun ba Organika MJ no Diskusaun Planu Asaun Annual (PAA) MJ ba 2019 nian.

Enkontru ne'ebé hala'o durante loron rua Kinta no Sexta (6-7/09/2018) iha Tibar ne'e ho objetivu atu halo apresiasaun ba esbosu organika Ministériu Justisa no prepara planu asaun annual MJ ba 2019 nian.

Enkontru ne'ebé loke hosi S.E. Ministru Justisa, Dr. Manuel Cârceres da Costa, no partisipa mós husi Sekretariu Estadu Terras Propriedades, Sr. Mario Ximenes, Defensor Pùbliku-Jeral, Diretor Nasionál Sentru Formasaun Jurídiku e Judisiáriu, Diretor Nasionál Polisia Sientifiku Investigasaun e Kriminal, Diretor Nasionál sira nomós funsiunariu Min. Justisa.

S.E. Ministru Justisa, Dr. Manuel Cárcerces iha ninia intervensaun husu Diretár Nasionál sira atu halakon tiha ego setoral sira, hodi bele hadia'k liutan prestasaun servisu institusional Ministériu Justisa nian.

Ba loron dahuluk, halo apresiasaun ba esbosu organika Ministériu Justisa nian hodi aprezenta ba iha Konsellu Ministru.

Bazeia ba organika ne'ebé iha ona Ministériu Justisa iha Diresaun Jeral (DG-Sigla Portugués) ida no Diresaun Nasionál nein (6) mak hanesan; Diresaun Nasionál Administrasaun e Finansas (DNAF) Diresaun Nasionál Rezistu Notariadu (DNRN), Diresaun Nasionál Servisu Prizionais e Reinsersaun Komunitaria (DNSPRS), Diresaun Nasionál Assesoria Jurídika e Lezislasaun (DNAJL), Diresaun Nasionál Direitus Humanus e Cidadania (DNDHC), Diresaun Nasionál Terras e Propriedades (DNTP), Gabinete Inspesaun e Auditoria (GIA), Centru Nasionál Formasaun Jurídiku e Judísial (CNFJJ), Polisia Sientifika e Investigasaun Kriminal (PSIC-sigla Portugés) no Defensoria Públiku-Jeral.

Iha esbosu lei organika foun ne'e halo alargamentu ou aumenta Diresaun husi Diresaun-Jeral ida (1) ba Diresaun-Jeral hat (4) no Diresaun Nasionál neen (6) ba Diresaun Nasionál sanulu resin rua (12).

Diresaun hirak ne'e mak hanesan ;

1. Diresaun-Jeral Politika de Justisa (DG-PJ sigla Portugués ) ;
- Diresaun Nasionál Assesoria Juridika e Lezislasaun (DNAJL)
- Diresaun Nasionál Direitus Humanus e Cidadania (DNDHC) no,
- Diresaun Nasionál Servisu Prizionais no Reinsersaun Komunitaria (DNSPRC- sigla
Portugués)

2. Diresaun-Jeral Servisu Administrasaun e Finasas (DG-SAF sigla Portugués) ;
- Diresaun Nasional de planeamentu, Jestsun Finaseira e Patrimonial (DNPGFP)
- Diresaun Nasionál Administrasaun Jestaun Rekursu Humanu
- Diresaun Nasionál Aprovizionamentu
- Diresaun Nasionál Teknolozia, Informasaun e Komunikasaun

3. Diresaun-Jeral Terras no Propriedades (DGTP-sigla Portugués) ;
- Diresaun Nasionál ba Jestaun Terras e Propridades
- Diresaun Nasionál Dervisu Kadastrus
- Diresaun Nasionál Jestaun Informasaun Geoespasial

4. Diresaun-Jeral Servisu Rezistu Notariadu (DG_SRN- sigla portgués) ;
- Diresaun Nasionál Rezistu Notariadu
- Diresaun Nasionál Identifikasaun Sivil no Rezistu Kriminal.

Iha mós Gabinete Insepsaun e Auditoria (GIA) ne'ebé iha dever halo auditoria internal ba diresaun tomak iha Ministériu Justisa.

Aleinde ne'e iha mós orgaun autonomu tolu ne'ebé tutela ba Ministériu Justisa mak hanesan, Sentru Formasaun Jurídika no judisiária nomós Defensor Publika-Jerál.

Iha loron daruak konsellu konsultivu sira diskuti liu sobre planu orsamentu ba kada diresaun nian ba 2019 ne'ebé sei iha mudansa boot tanba impaktu husi alargamentu diresaun jeral no diresaun nasionál sira, se karik esbosu organika Ministériu nian ne'ebé diskuti ona iha loron dahuluk hetan aprovasaun husi Konsellu Ministru.