Dili, MJ: Molok partisipa reuniaun kona-ba konferénsia internasionál ba dala XI husi Ministrus Justisa sira, iha Roma, Italia, S.E. Ministru Justisa Dr. Manuel Cárceres da Costa hala’o vizita kortezia ho Sua Eminência Cardeal Pietro Parolin, Sekretáriu Estadu Santa Sé (Cardeal da Santa Igreja Romana) iha Bazílika Saun Pedro Vatikanu, Roma.
Sua Eminência Pietro Parolin simu ekipa Ministériu Justisa iha nia knár fatin hodi konversa ho amigável, liu-liu, Sua Eminênsia Cardeal mós hato’o lia menon katak "Timor-Leste iha Vatikanu nia fuan'. Sua Exelénsia Ministru Justisa, Dr. Manuell Cárceres da Costa husu orasaun no bensaun ba Sarani Katólika Timor-Leste, nomós husu orasaun ba knár importante iha setór Justisa
Vizita kortezia ida ne’e akompaña husi Embaxador Repúblika Demokrátika Timor-Leste ba Santa Sé Sr. Egas da Costa Freitas, Diretúr Jerál Ministériu Justisa, Diretur Nasionál Asesoria Jurídika ho Lejislasaun, Assesor Jurídiku ho Sekretária Ministru Justisa.

27 Novembru 2018