Ministériu Justisa, liu hosi Diresaun Nasional Direitus Umanus no Cidadania (DNDHC) halao divulgasaun Lei konaba lei N°. 13/2017 kona-ba rejime Espesiál definisaun ba titularidade bein imovél no lei N°. 8/2017 kona-ba expropriasaun ba Utilidade Públika iha Suku Loihunu Postu Administrasau Ossu Municipio Vikeke nomos Suku Abu Postu Administrasaun Quelicai Minisipio Baukau iha loron 12-14 Junu 2019.
Divulgasaun lei nee hanesan meus ida hodi fahe informasaun ba komunidade hodi hatene konaba lei N°. 13/2017, rejime espesial ba definisaun titularidade bein imovel no lei N°. 8/2017 kona-ba expropriasaun ba utilidade públila atu komnidade sira hatene saida maka sira nia direitu no dever nudar sidadaun hodi kontribui ba paz no desenvolvimentu.

Iha sesaun abertura Sr. Jose Paulino Dias Ximenes nudar Diretor interino DNDHC hateten, Ministeriu Justisa liu husi Diresaun Nasional Direitus Umanus no Cidadania nia knar ida maka divulga lei ba iha komunidade sira prinspalmente iha area rurais. Ohin hamutuk ho DNAJL no DNSPRS mai hamutuk ho ita boot sira ho objetivu atu fahe informasaun kona ba lei rai nian ne’ebe S. E. Presidente da Republika Promulga ona 2017 hanesan lei ami divulga ba ita boot sira atu hatene , ida ne’ebe boot sira nia direitu no dever ba rai hodi nune’e bele minimiza komflitus iha ita boot sira nia let , no mos kolalia kona ba lei espropriasaun ba utilidade publika oinsa espropria rai privadu ba estadu hodi uza ba utilidade publika sei hato’o husi oradores sira.
Iha fatin hanesan komadante eskuadra postu administrativu Ossu hateten katak apresia tebes ba Ministeriu Justisa bele hakat mai iha ami nia suku, tuir ami polisia eskudra Ossu sente kata problema ida nee sensituvu tebtebes tanba ami mak kontrola iha nee ami hatene, problema kona ba rai entre pessoal ho pessoal hasoru malu, aldeia ho aldeia nune’e mos suku ho suku maibe sei bele konta ho limafuan depois SNC tama mai halao ona nia knar atu difine oin saa atu sai nain ba rai problema aumenta barak liu tan.

Ami husu divulgasau nee bele loke ita hotu nia fuan no laran hodi hatene klean liu tan ida nebe direitu ita nian no ida nebee laos direitu ita nian, tanba problema balun ami lori ona ba tribunal Baukau to agora ami husu katak lei sei dauk iha no problema kontinua lao nafatin, neduni ami nia Konsellu Polise Komunitariu (KPK) sira lao iha fatin – fatin halo prevensaun hamutuk ho autoridade local, veteranus no ina ama. Ho programa divulgasaun ida nee bele responde ona nesesidade povu nian , oinsa sai nain ba rai, inportante ba komunidade Ossu espesial ba suku Loihunu.
Iha parte seluk sefe suku abu fo Bevindo ba director DNDHC ne’ebe realiza progama divulgasan lei konaba lei N°. 13/2017 kona-ba regime Espesiál definisaun bein imovél no lei N°. 8/2017 kona-ba expropriasaun ba Utilidade Públika nebee realiza iha suku Abu postu administrativu Quelicai, lei ida nee inportate ba ami komunidade Quelicai espesial ba ami suku abu ho ida nee hau agradese ba Ministeriu Justisa bele mai realiza iha ami nia suku.
Partisipantes ba iha divulgasaun nee administrador postu, sefe suku, nai veteranus sira, Lia nain, professor, Representante director edukasaun, estudante sira, komunidade, Director DNTP Munisipio no Ekipa husi Ministeriu Justisa.