Ministériu Justisa (MJ) núdar Komisaun Organizadora ba Seremonia Loron Funsaun Públiku iha tinan ida ne’e, 15 Jullu 2019 hala’o ho atividade oi-oin hahu hosi abertura iha loron 15 Marsu 2019 ne’ebé diretamente hosi Primeiru Ministru, Taur Matan Ruak no realizasaun ba loron espesiál aniversariu Funsaun Públiku taka ho misa agradesimentu no enseramentu ne’ebé prezensa direita hosi ita nia Ministru Justisa, Manuel Carceres da Costa, Prezidenti Komisaun Funsaun Publiku, Faustino Cardoso, Amu no Madre sira, Komandante, Chefe Estado Major F-FDTL, Major Jeneral Lere Anan Timur, no entidade alto estadu sira seluk iha Salaun Igreja Motael, loron, 15 Jullu 2019.

Iha misa agradesimetu ne’e Pe. Juvito do Rego iha nia homilia hatete katak Funsionariu Públiku labele trai Evanjelu no Konstituisaun, tanba funsionariu hanesan makina ida hodi serbi estadu no povu.
Iha enseramentu, Prezidenti Komisaun Funsaun Públiku, Faustino Cardoso hatete katak komemorasaun ne’e alegria ba ita hotu haknar an núdar servidor públiku, liu tan katak ita nia Padroeru Sao Tomas ne’e ema ne’ebé serbi estadu maibe la fa’an nia fiar, hau husu ita hotu presija tuir nia hahalok.

Iha tinan ida ne’e ho dezafiu oi-oin maibe mantein ba funsionariu sira hasae prestasaun serbisu di’ak núdar servidor públiku, konsolida an hodi kontribui hametin estadu direitu demokratiku no ikus hatete tan katak tinan ne’e prezenti ba funsionariu sira tanba sei halo promosaun ba grau tinan-tinan.
Iha enseramentu Ministru Justisa, Manuel Carceres da Costa hateten katak antes to’o ohin 15 Jullu 2019 ita halo atividade oin-oin, no ohin aniversariu ita husu agradesimentu liuhosi misa no husu tulun ba aman maromak hodi fo espiritu no enejia serbi nian.
Iha mós atividade kompletu ba komemorasaun ne’e mak hanesan kuda ai oan iha area Fatu ahi no Mota Ulun iha loron 15 Marsu 2019, Vizita Kortezia ba prizaun Becora, loron, 11 Junu, Gleno no Suai, 14 Junu 2019, Jornada “Lao Ain Fatin Saudozu Nicolao Lobato, 2 -5 Julu 2019 (La’o ain dirize direita hosi Prezidenti CFP, Faustino Cardoso, Turiscai ba Laklubar Vila ho Kilometru 47 no foho a’as kuaze Metro 1700), Expozisaun no Bazar Baratu,25-29 Juñu 2019, Diseminasaun Lei 41/2015 Sobre Distincoes e Premiu ba Funsionariu Públiku, Doasaun Ran, 17-21 Juñu 2019, Kompetisaun Coral, 3-5 Junu 2019, Seminariu Sobre Implementasaun Lei Funsaun Públiku, 4 Julu 2019, Limpeza Jeral, 5 Julu 2019, Marsa Saudavel 12 Julu 2019, Misa Agradesimentu, Aniversariu no Enseramentu, 15 Julu 2019 no Atividade Desportivu, 23 Maiu – 5 Julu 2019.

Antes remata festa aniversariu Funsaun Públiku, Superior instituisaun estadu sira e outro pesoas respeitaves hanesan oan mane hosi Funu nain, Saudozu Nicolao Lobato troka malu hodi intrega premiu ba modalidade desportivas oi-oin Fut-sal (feto no mane/FM), Volley-Ball F/M, Basket-Ball F/M, Badminton F/M, Tenis Meja F/M, Cadrez F/M.
Tuir mai vensedores ka manan nain ba Kompetisaun Koral permeiru lugar hosi Ministério do Ensino Superior Ciência e Cultura (MESCC). Manan nain ba kompetisaun Cadres, permeiru lugar ba Mane, Sr. Hugo da C. Pinto Hosi Ministeriu Administrasaun Estatal no ba manan nain hosi feto sira permeiru lugar Sra. Rosalina Sarce Wadangange hosi UNTL. Manan nain Fútsal, ba Mane permeiru lugar hosi SEFOPE no Feto manan nain permeiru lugar Ministeriu Administrasaun Estatal. Manan nain Basquetebol, Ba klase Mane sira permeiru lugar hosi Ministeriu Edukasaun, ba Feto sira permeiru lugar hosi Sekretariu estadu Juventude e desportu. Manan nain Voleibol, Ba Mane permeiru lugar Secretaria do Estado Juventude e Desporto (SEJD) no ba Feto manan nain permeiru lugar Ministério de Administração Estatal.

Manan nain Tenis da Mesa (Ping-Pong), permeiru lugar klase mane nian, Sr. Nelson Manuel Moniz Belo hosi Ministeriu Justisa no ba Feto permeiru lugar Sra. Maria Fatima D. Boavida hosi Ministeriu Saude. Manan nain ba Badminton, Single Mane permeiru lugar, Sr. Moises Nazario Pereira hosi PDHJ, ba manan nain Feto permeiru lugar Sra. Maria Mazarela Lay hosi UNTL, Kategorizasaun jogu dupla hosi mane permeiru lugar hosi UNTL no ba jogu dupla hosi feto permeiru lugar hosi UNTL, ba feto mane kahur malu permeiru lugar nafatin hosi UNTL.

Iha seremonia enseramentu ne’e asiste hosi Prezidenti Funsaun Públiku, Faustino Cardoso, Ministru Justisa, Manuel Carceres da Costa, Chefe Estadu Major, Major Jeneral Lere Anan Timur, Inspetur Ministériu Justisa ne’ebé mós sai Kordenador Jeral ba selebrasaun loron Funsaun Públiku, Lucas da Costa, Diretur/a interministerial no entidade estadu sira seluk, Padre no Madre sira, Funsionariu balun hosi instuisaun estadu hot-hotu. (c)