DNTPSC-DNRN akompaña MJ vizita DTP no DRN iha Munisípiu

Diretór sira hosi Diresaun Nasionál Terras Propriedades no Servisu Kadastrasis (DNTPSC) no Diresaun Nasionál Rejistu Notariadu (DNRN) iha loron 24-26 fulan-Jullu 2019 foin lalais ne’e hala’o vizita urjensia DTPSC no DRN hodi haree no rona preokupasaun hosi funsionáriu sira ne’ebé iha munisípiu.
Iha visita servisu Ministru Justisa ne’ebé akompaña hosi Diretór Nasionál DNTPSC no DNRN iha parte leste nian ne’e, Ministro Justisa Manuel Cárces hateten, programa oitavu governu nian husi 2020 to 2023 hanesan pilár dezevolvimentu mak sai hanesan númeru primeiru.

Nia hatutan, ba dezenvolvimentu ne’ebé sai númeru primeiru iha oitavu governu nian n’e’e mak bem estar sosiál ka moris di’ak ba funsionáriu idaidak, tanba ne’e tenke presiza hadi’a kondisaun funsionáriu sira nian
Iha fatin hanesan bainhira hatan ba prokupasaun funsionáriu sira nian liu-liu kona-bá falta ekipamentus eskritóriu nian no transporte ministru justisa ne’e hateten, iha tempu badak sei rezolve prolema sira ne’ebé durante ne’e funsionáriu infrenta iha munisípiu.

Iha vizita refere, Ministro Justisa ho delegasaun simu direitamente hosi Diretores Munisípiu nian inklui mós team leader sira hosi Sistema Naionál Kadastro (SNC-Sigla Portugés) hafoin visita Ministru justica ho nia diretór nain rua hala’o sorumutu ho funsionáriu DTPSC, SNC no Registu notariadu sira hodi rona diretamente preokupasaun, difikuldades no kondisaun Funsionáriu sira nian ne’ebé mak durante enfrenta iha servisu fatin.
Durante enkontru, funsionáriu sira hato’o mós sira nia preokupasaun, liu-liu kona-ba falta Trasporte, Ekipamentus eskritóriu nian hanesan komputadór mákina photo copy, emprimedór no falta rekursu umanu hodi bele halo atendimentu públiku ba komunidade sira iha munisípiu.*

Luis Neves
Média DNTPSC