Dili-Governu Liu husi Ministru Justica sei fo liu prioridade ba Timor oan neébe iha ona kapasidade neébe bo’ot iha area judisiariu nian atu bele sai treinador hodi fo formasaun ba Majestradu sira neébe agora dadaun iha hela Formasaun iha Centru Formasaun Juridiku neé.

Tuir Ministru Justica Dionisio Babo Soares hateten katak Ministru Justica e Pesoal hau (Dionisio Babo Soares) tau liu Prioridade ba Timor Oan neébe tuir ona formasuan iha Rai liur no iha kualifikasaun neébe diak atu bele sai treinador hodi fo formasaun ba formandus Majestradu sira neébe agora tuir hela formasuan iha Centru Formasaun Juridiku neé.

“Hau fiar Timor oan barak mak tuir formasaun iha rai liu iha ona kapasidade neébe diak no kualifikadu atu bele sai treinador hodi fo formasaun ba formandus Majestradu sira neébe agora tuir hela Formasaun iha Centru Formasaun Juridicu neé”Dehan Ministru Hafoin halo Intervista Excluisivu iha TVLT Kuarta (26/09)

Ministru Justica mos Informa tan katak Durante neé governu lakon ona osan barak hodi selu treinador sira husi rai liur no ita haruka formandus sira ba tuir formasuan iha Portugal no Brazil tamba neé ba tinan lima neé govenru sei tau liu proridade ba Timor oan neébe agora dadaun iha ona kualifikadu atu bele sai tereinador hodi kaer mesak ita Justica iha Paiz ida neé.

“Durante neé governu fakar osan barak hodi selu treinador husi rai liur no ita haruka formandus sira ba tuir formasaun iha rai liur tamba neé ba oin ita mos bele fo prioridade ba Timor oan neébe kualifikadu atu bele sai treinador atu nune Timor oan mos bele kaer mesak Justica iha Paiz ida neé maibe ita mos presija Juis internasional sira hodi fo tulun deit laos sira mak atu kaer fali ”dehan MInistru Justica

Pedro Delfim
Media Officer