SETP Lidera Enkontru ba Estabilesimentu Parke Industria Maubara


MTCI-Sekretáriu Estadu Terras Propriedades (SETP) Mario Ximenes, iha loron 1 fulan-Agostu 2019 foin lalais ne’e lidera enkotru ba estabilesimentu Parke Industria ne’ebé maka iha tempu badak sei realiza iha Vatubou, Postu Administrativu Maubara, Munisípiu Liquisa.

Iha enkontru ne’ebé hala’o iha salaun enkontru Ministériu Turizmu Comersiu Industria (MTCI-Sigla Portugés) Fomentu, Mandarin ne’e, SETP husu ba ekipa tékniku sira tenki aslera lalais ninia prosesu nune’e parke refere bele estabilese lalais iha tempu badak.

Iha enkontru ne’ebé akompaña hosi Diretór Jeral Terras Propriedades nian ne’e SETP hateten, planu prinsipál ba governasaun daualuk nian, ida mak tenki kria kampo servisu ba juventude sira hodi bele hamenus dezenpregu iha rai laran.

Membru governu ba governasaun dawaluk nian ne’e husu ba MTCI hodi bele involve mós instituisaun relevante sira, nune’e servisu hotu bele la’o ho di’ak no susesu iha futuru.

Iha parte aprezentasaun nian Assessor Tékniku MTCI, Taneo Moriyama, propoin ba Terras Propriedade hodi konstrui projetu ba parke industria nian iha Ulmera Postu Bazartete, ho ho rai nia luan hektares 50 ho nia traballadór 4.000.

Hatan ba kestaun refere, SETP husu ba MTCI hodi bele harii iha parte Maubara nian, tanba fatin ne’ebé antes ne’e identifika iha ulmera, iha futuru sei konstrui Postu Administrativu Foun Bazartete nian.

Nune’e mós Diretór Jeral Administrasaun Finansas MTCI, Luis Inacio Henrique Fernandes, husu ba parte terras propriedades hodi bele prosesu lalais estatuto ba rai ne’ebé maka iha futuru sei hari projetu parke industria nian ne’ebé mak sei hahu iha Vatubou postu Maubara, Liquisa ho rai nia luan hektares tolu.

Hafoin aprezentsaun SETP husu ba MTCI hodi bele kria ekipa integradu ida ne’ebé mak involve instituisaun relevante sira hanesan Administrasaun ESTATAL, Ministéreiu Obras Públika, Meuambiente inklui SETP-MJ no MTCI*

Ananias Babo Horta
Relasaun Públika DNTPSC