Ministeriu Justisa hala’o Formasaun Direitus Umanus iha Postu Administrativu Letefoho no Postu Administrativu Railaco Munisipiu Ermera.

Ministériu Justisa (MJ) liu husi Diresaun Nasional Direitus Umanus no Cidadania (DNDHC) halao formasaun Direitus umanus durante loron rua ba autoridade lokal sira iha Postu Administrativu Letefoho, Munisipiu Ermera, loron, 30 – 31 Jullu 2019 no Postu Administrativu Railaco, Munisipiu Ermera iha loron 01- 02 Jullu-2019.
Iha abertura ne’e Xefe Departamentu Tratadu Monitorizasaun Sr. Miguel Malibere Fernandes ne’ebé representa Diretór DNDHC hateten katak objetivu Ministeriu da Justisa mai iha nee atu implementa no fahe informasaun kona ba Lei sira ne’ebe mak aprova ona husi parlamentu nasional hodi nune’e sidadaun ida-idak bele hatene saida mak direitu no dever nudar sidadaun diak ida ne’ebe moris iha pais demokrasia nia laran, no iha tinan ida ne’e Postu Administrativu Letefoho no Postu Administrativu Railaco Munisipiu Ermera sai hanesan alvu mos ba programa forrmasaun Direitus Umanus ho objetivu prinsipal husi formasaun ne’e atu hasa’e kuñesimentu autoridade lokal sira konaba importansia husi direitus umanus ho nune’e sira bele implemeta iha sira nia moris loron-loron.

Formasaun Direitus Humanus ba loron rua tomak ne’e loke formalmente husi Administrador Postu Administrativu Letefoho, Sr.Julião Marito de Deus iha ninia abertura hatete, katak hau apresia tebes ba ekipa Ministeriu Justisa tamba pela premeiru vez ministeriu Justisa halo formasaun direitus Umanus iha postu Administrativu Letefoho hodi nune;’e Sidadaun ida-idak bele hatene lalaok kona ka saida mak direitus humanus nudar moris iha Nasaun Demokratiku. Apresiasaun kuaze atu hanesan mos hato’o husi Administrador Postu administrativu Railaco, Sr. Arlindo dos Santos.

Substansia materia prinsipal ne’ebé iha Formasaun Direitus Humanus nee mak hanesan, Prinsipíu no Valór Direitus Humanus no Lei Politika Uja Forsa hato’o husi Tekniku Superior, Sr Celito Cardoso, Kovensaun kona ba Eliminasaun Diskriminasaun ho Forma oi-oin Kontra Feto no Lei Kontra Violensia Domestika, hato’o husi Xefi Departamentu tratadu Monitoruizasaun Sr. Miguel Malibere Fernandes, Konvensaun Internasional kona ba Direitu Labarik, hato’o husi Xefi Departamentu Administrasaun Sra. Julberta Soares.

Formasaun direitus umanus durante loron rua ne’e hala’o ho metodu aprezentasaun husi formador sira, husu no hatan inklui halo grupu diskusaun nomos. kolaborasaun husi sr. Virgilho F. da Silva no Sra Maria Lucia Gago, hodi Fasilita pergunta ne’ebé mai husi partisipante sira. Ba prosesu lalaok sesaun ne’ebe fasilita hosi MC. Sr.Adriano Soares tuir mata dalan husi DNDHC..

Hafoin remata formasaun partisipante sira simu sertifikadu ne’ebé prepara husi Ministeriu Justisa. Iha sesaun entrega sertifikadu ne’e asiste husi Reprezentante Administrador Postu, no Komandante Eskuadra PNTL. Formasaun ne’e Partisipa hosi autoridade lokal sira mak hanesan Chefe Suco no Chefe Aldeia, Lider Komunitaria, Professores sira, membru PNTL, Juventude, Lia Nain, parte Igreja, Funsiunariu publiku no Mediku sira, ne’ebé partisipante ba sesaun rua ne’e hamutuk ema nain 80, Formasaun ne’e interaktivu tebes tamba partisipante sira ativu hodi husu perguntas.**

Adriano B. Soares
Asistente Tratadu Monitorizasau , DNDHC MJ