MJ Direitus Humanus Inportante Atu bele Promove Diak Liu Tan iha Timor Leste

Dili-Ministru Justica Dionisio Babo Soares hafoin loke Abertura Seminar Konsellu Direitus Humanus ONU nian sei halo Revizaun Periodiku Universal kona ba situasaun Direitus Humanus iha Timor Leste Govenru liu husi Ministru Justica Dionisio Babo Soares hateten katak Direitus Humanus inportante atu bele promove diak liu tan iha Timor Leste.

Tuir Ministru Justica Dionisio Babo Soares iha nian Diskursu hateten katak Estadu Timor Leste ratifika ona konvensaun direitus Humanus iha Constituisaun RDTL ohin loron tamba neé ohin loron governu Timor Leste liu husi Ministeriu Justica atu promove diak liu tan Direitus Humanus iha Timor Leste.

“Estadu Timor Leste ratifika ona Konvensaun Direitus Humanus iha ita nian Constituisaun RDTL tamba neé ohin loron govenru presija atu bele promove diak liu tan Direitus Humanus iha paiz ida neé ”Dehan Ministru Justica hafoin loke Abertura ba Seminar Revizaun Periodiku Unversal konselu Direitus Umanus iha Salaun Ministeriu Negosio Estrangeru Kuinta (27/09)

Ministru Justica Informa tan katak komesa ohin loron ba oin ita hotu tenke servisu makas hodi hadia Direitus Humanus iha Timor Leste hodi hatudu ba mundu internasional katak Timor Leste maske nasaun neébe kik no foin mak ukun an maibe promove duni Direitus Humanus iha Timor Leste.

“Komesa ohin ba oin ita hotu tenke servisu makas hodi promove Direitus Humanus iha Timor Leste hodi hatudu ba mundu intrnasional katak maske Timor Leste nasaun neébe kik no foun independensia maibe promove duni Direitus Humanus iha Timor Leste”dehan Ministru.

Ministru Salienta tan katak Ministsru Justica ho Ministru Negosio Estrangeiru servisu hamotuk hodi organiza eventu Internasional Direitus Humanus nian ba dala rua iha 2010 no Ministu Justica mos halo rekrutamentu Ponto Focal Direitus Humanus nian iha 2010 hodi rekolha dadus kona ba assuntu Direitus Humanus nian Distritu hanesan Baucau,Viqueque,Manufahi.Oe-Cuse,ho Bobonaro.

iha Seminar neé partisipa husi Ministru Justica,Arjuntu PDHJ,Direitur Defensor Publik,Membru Parlamentu Komisaun A,no Direitur tomak kada Ministeriu nian.

Pedro Delfim
Media Officer