MJ – Loron Sexta Feira,04 Outubro 2019,Diretor Geral ba Direção Geral dos Serviço de Registo e Notariado (DGSRN) hala’o enkontru ho Diretores Municipais Concervatorio Registo Civil no Xefes Departamentu sira hodi fo orientasaun konaba implementasaun Diploma Ministérial no.38/DM_MJ/08/2019, 11 de Setembro Orgánica Direção Geral dos Serviço de Registo e Notariado (DGSRN) no Direção Municipais.

Iha enkontru refere nebe’e hala’o iha sala auditoria konvoka husi Diretor Geral SRN, Diretor DNRN no Diretor DNICRC.

Iha deskursu Diretor Geral SRN,Crisogno da Costa Neto hateten katak : Enkontru ida ne’e hodi fo orientasaun hodi implementa Diploma Ministérial no.38/DM_MJ/08/2019,11 de setembro Orgánica Direção Geral dos Serviços de Registo e Notariado, hahu halo konsolidasaun servisu iha Direção Municipais no Departamentus sira iha Direção Geral dos Serviço de Registo e Notariado (DGSRN) nian.

Iha diploma ministerial ne’e mos sei iha lakunas barak, maibe husi parte Diretor Geral no Diretor Nasional nain rua (2) halo ona intervensaun urgente ba DNAJL hodi hare fila fali.

Diploma ne’e defeni ona Direção Geral ida no Direção Nacionais rua (2) mak hanesan :
Direção Nacional Registo Notariado no Direção Nacional Identificação Civil Registo Criminal nomos estabele Direção Municipal sira.
Informa mos ba ita bo’ot sira atu hatene konaba Iha diploma ne’e mos fo biban ba ita bo’ot sira husi Municipiu atu estabelese xefe departamentu iha ita boot sira nia serviço fatin.

Diretor DNRN, João Fernando Martins Boges mos haktuir konaba : Hormonizasaun entre Diretor Municipio sira ho Notario depois kontrola deslokasaun no prezensa notario sira nian iha servisu fatin tuir diploma ministérial fo kompetensia administrativa ba Diretor Municipio sira atu kontrola buat sira ne’e, iha posibilidade ba revizaun ba dekretu lei nu.2/2012 nomos orientasaun ba Departamentu sira nebe’e iha mahon DNRN nian atu submete ba Diretor Registo Notariado bainhira husik hela fatin karik iha misaun ruma ba Municipio tenke informa atu nune’e labele perturba atendimentu publiku.

Iha diploma ministérial ne’e rasik mos fo kompetensia ba Direção Nacional de Registo e Notariado hodi hari estrutura foun no mos iha departamento balun ne’ebe sei muda naran no sei mosu tan departamento balun ne’ebe foun.

DNRN iha departamento 6 (Dept.Registos Centrais e da Nacionalidade, Dept.Arquivos Centrais, Dept.Registo Publico, Dept.Registo Automóvel e de Outras Bens Móveis Dept. Registo Predial, Dept. Administração).

Diretor DNICRC,Vitor da Costa Neto mos akresenta tan katak : Direção Nacional Identificação Civil Registo Criminal (DNICRC) iha kompetensia rasik nebe’e mak atribui husi diploma ministérial no.38/DM_MJ/08/2019,Direção Geral ninian, tuir artigo 19 ne’ebe koalia konaba kompetensia nomos atribuisaun Direção Nacional Identificação Civil Registo Criminal ninian, iha mos artigo 20 nebe’e mak koalia konaba estrutura Diresaun nian kompostu husi servisu sentrais no servisu deskonsentradus.
Servisu sentrais iha Departamentu 4 (Deprt. Identifikasaun Civil, Deprt. Registo Criminal, Deprt. Passaporte Passa Fronteira nomos Deprt. Teknologia Informátika ).

Iha mos servisu deskonsentradus nebe’e mak sei hari delegasaun identifikasaun criminal iha nivel municipal 12 inklui RAEO-Oecuse nomos delegasaun passa porte passa fronteira iha 12 municipio inklui RAEO-Oecuse. Departamentu sira ne’e mos iha nia kompetensia rasik bazeia ba artigo 21,22,23,24 iha Diploma Ministérial no.38/DM_MJ/08/2019,, alende ne’e iha artigo 34 husi diploma ministérial no.38/DM_MJ/08/2019, koalia mos konaba delegasaun identifikasaun civil registo criminal passa porte passa fronteira ne’ebe mak sei hari iha municipio sira laos iha departamentu 2 maibe departamentu 1 mak sei responsabiiza hodi akomula servisu sira ne’e hotu tanba rekursu nebe’e ita iha seidauk sufisiente hodi kobre servisu sira ne’e hotu, mesmo rekursu limitadu maibe servisu sira ne’e tenke hala’o iha municipio 12 inklui RAEO-Oecuse tanba nesesidade povo nian hodi bele atende besik liutan iha municipio nomos bazeia duni ba ezizensia politika 8o Governo nia nebe’e hakarak hakbesik atendimentu ne’e ba iha povo sira nia le’et.