Dili-Ministru Justica Dionisio Babo Soares lidera diskusaun Regulamentu Pedagogico iha Centru Formasaun Judisiariu (CFJ) hodi koalia kona ba oinsa atu implementa regulamentu Pedagogico no disiplinar iha Centru Formasaun Juridicu (CFJ) ba formandus Magestrado sira alende halo diskusaun ba Regulamentu aprezenta mos criteria ba Recrutamentu ba formandus sira atu sai Alvogado,Defensoria Publiku,Juiz.

Tuir Ministru Justica (MJ) Dionisio Babo Soares hateten katak iha Diskusaun ida neé atu akumula regulamentu Pedagogico iha Centru Formasaun Juridicu (CFJ) no disiplinar ba Formandus Magestrado sira neébe agora dadaun tuir hela formasaun iha Centru ida neé tamba ida neé inportante tebes ba formandus sira hotu atu bele kumpri regras saida mak iha ona Centru Formasaun ida neé.

“Iha diskusaun ida neé atu bele akumula hotu regulamentu Pedagogico iha Centru Formasun Juridicu (CFJ) no disiplinar ba Formandus Magestrado sira neébe agora dadaun tuir hela formasaun iha Centru Formasaun Juridicu ida neé tamba ba future Justica iha Timor oan nian liman tamba neé agora governu tenke prepara ona Timor oan neébe iha kualifikasaun atu bele sai Juiz,Defensor Public,Procurador”Dehan Ministru Justica hafoin Lidera diskusaun iha Centru Formasaun Juridicu Caicoli Sexta (28/09)

Ministru mos Informa tan katak alende halo diskusaun ba regulamentu pedagogico aprezenta mos criteria rekrutamentu ba formandus sira atu sai Procurador da Republica,Alvogado,Defensor Public,no Juiz sira tamba neé governu liu husi Ministru Justica sempre fo nafatin tulun ba Centru Formasaun Juridiku atu bele kontinua nafatin hodi fo kapasitasaun ba Timor oan sira.

“aprezenta mos criteria rekrutamentu ba formandus Magestrado sira neébe agora dadaun tuir hela formasuan iha Centru Formasaun Juridiku atu bele sai Procurador da Republica,Defensor Public,Alvogado no Juiz tamba atu tama ona ba rekrutamentu tenke iha mos criteria atu bele regula molok halo recrutamentu”Dehan Minstru.

Iha Diskusaun ba Regulamentu Pedagogico makra prezensia husi Ministru Justica Dionisio Babo Soares,Prezidente Tribunal Recursu Calaudio Ximens,Procuradoria da Republica Ana Pessoa Pinto no Directur Jeral Defensor Public Sergio Hornai no inkului mos formandus Magestrado balun.

Pedro Delfim
Media Officer