Dili, 11 Agostu 2020: S. Exa, Vice-Ministru da Justiça (MJ, Sr. José Edmundo Caetano, Assiste konfirmasaun votus husi deputadu sira ba deklarasaun Estadu Emerjénsia ba prevensaun pandémia covid-19 liuhosi plenária extra ordinária iha Parlamentu Nasional (PN).
Deklarsaun Estadu Emerjénsia ne’e aprezenta direita husi S. Exa, primeiru Minstru (PM), Sr. Taur Matan Ruak, no akompaña husi membru Governu konstitusional dawalu (VIII) nian.
Liuhusi dekretu Prezidensiál ho data 5 agostu 2020, S Exa, Francisco Guterres Lú Olo, deklara hahú husi tuku 00:00 loron 6 Fulan-Abril to’o tuku 23: 59 iha loron 4 fulan_Setembru 2020.
Iha mensájen ne’ebe diriji ba parlamentu Nasionál, Prezidente Repúblika informa katak iha period naruk ida nia-laran, iha territóriu nasional la rejista kazu covid-19 maibé ida-ne’e la signfika Timor-Leste Livre ona husi risku ba prigu. Timor-Leste sei hasoru nafatin risku tamba númeru kazu moras aumenta iha Repúblika Indonesia, partikularmente iha provínsia ne’ebe Timor-Leste terrestre, no mós iha país vizñu, Austrália.

Nune’e mós iha loron 4 fulan- agostu 2020, Timor-Leste rezista kazu pozitivu foun ida husi sidadaun ida ne’ebé tama mai terrestre. Situasaun interna ohin loron ida rai-laran la forte hanesan period estadu emerjénsia datoluk liubá. Tanba ne’e, estadu emerjénsia dahaat (IV) parsialmenta suspende no limita direitu ba sirkulasaun internasionál, liberdade iha territóriu nasional no mós direitu ba rezisténsia.
Estadu Emerjénsia IV ne’e atu tau atensaun espesiál ba pontus entrada ba territóriu nasional atu bele hasees-an ne’ebé tama iha Timor-Leste tenke submete ba kuarentena durante loron sanulu resin haat.
Ba estadu emerjésia ida-ne’e atividade ekonómika, social, kulturál, escolar, servisu, halimar, vizita familia, toka no kanta sei la’o hanesan bainbain. Ema hotu tenke haktuir prátika fase liman beibeik, uza mascara no distansimentu social atu ita ida-idak bele hasees-an husi moras Covid-19 no karik moras, la hada’et ba ema seluk.