Dili, 07 September 2020, Sua Ex-sia Vise-Ministru Justisa, Dr. José Edmundo Caetano, halo abertura ba Konsulta Públiku. Iha prosesu konsultasaun ne’e sai nu’udar báze ba esbosu Dekretu Governu ne’ebé sei regula rejime abertu iha Estabelesimentu Prizional sira.
Rejime abertu sei implementa iha futuru hodi bele garante direitu dadur nian durante hadia komportamentu iha prizaun. Rejime abertu hanesan dalan ida atu garante dadur sira-nia direitu no oinsá atu bele apoiu prosesu re-integrasaun ba komunidade.

Tuir Rejime Ezekusaun Penál kona-ba rejime abertu iha artigu 23 nú. 2 husi Dekretu Lei Nú. 14/2014, loron 14 fulan Maiu. Mekanizmu konsultasaun públiku hodi diskute medida ne’ebé proporsionál no adekuadu ba atividade ensinu no formasaun profisionál, lahó vijilánsia direta ho diploma espesial.
Programa diskusaun hotu ne’ebé ligadu rejime aberta fasilita husi UNICEF. Iha atividade ne’e responsavel UNICEF apresia programa ne’e nomos pronto kontinua kontribui ba prosesu ne’e to’o remata. Husi atividade ne’e sei bele kontribui iha jovem sira-nia perspetiva no ajuda atividade ne’ebé sira entresse.

Atividade konslutasaun ne’e, partisipa husi Diretóra Jerál Polítika Públiku Dra. Marcelina Tilman, Koordenador Defensória Públiku Jerál Dr. Cancio Xavier, Assesór Jurídiku hosi Gabinete Ministru ho Vise Ministru, Asesór DNAJL, DNDHC, DNSPRS, Diretór DNSPRS, DNDHC, Diretór Prizaun Becora, Gleno ho Suai, Xefe Departamentu Reisersaun Sosial, Xefi Depertamentu Oberservasaun Kriminolojika, PRADET ho funsionariu sira.
Atividade konsultasaun públiku ba rejime aberta sei elabora ba diploma ida hodi regulariza prizoneiru nia pprosesu reinsersaun no reintegrasaun. Elaborasaun diploma ida ne’e apoiu tékniku husi JU,S Jurídico Social, ne’ebé serbisu hamutuk diresaun relevante Ministériu Justisa nian.