SEKRETÁRIU Estadu Terras Propriedades (SETP), Mario Ximenes, iha loron 13 fulan-Outubro 2020 foin lalais ne’e partisipa iha komemorasaun loron internasionál ba redusaun risku ba dezastre iha Ponte BJ Habibie, Bidaun Santa ana, Dili, Timor-Leste.
Antes hala’o komorasaun loron internasionál ekipa konjuntu hosi instituisaun relevante, durante komemorasaun, Sekretáriu Estadu Protesaun Sivíl (SEPC-sigla portugés) Joaquim José Gusmão dos Reis Martins, hato’o mós agradesimentu ba partisipante sira liu-liu ba parseru internasional inklui mós embaixadór sira mak partisipa iha eventu refere.

Sekretáriu Estadu ne’e hateten, akontesimentu dezastre naturais hirak ne’ebé akontese iha Teritoriu Timór-Leste, liu-liu iha tinan 2020 maske ho volume ne’ebé ki’ik maibé estadu Timor-Leste hasai gastus ne’ebé signifikadu.
Iha komemorasaun loron internasionál ne’ebé ho tema “Governasaun di’ak prevensaun ba risku dezastre” Sekretáriu Estadu Protesaun Sivíl ne’e hateten, komemorasaun loron Mundiál risku ba dezastre naturais ba dasanulu-resin hitu ne’e timor-leste mós hola parte hanesan membru. Ida hodi bele relembra hikas sidadaun sira ne’ebé mak lakon sira nia vida no sira ne’ebé sai vitíma ba dezastre naturais iha mundu.

Antes tama ba loron selebrasaun Sekretria estadu protesaun sivil ho ninia ekipa inklui liña ministeriais sira hala’o mós atividade hanesan kuda ai-parapa iha tasi-ibun parte ulmera munisípiu Liquiça, no hala’o mós atividade marsa saudavel.
Nia parte mós husu ba komunidade liu-liu ba maluk sira ne’ebé hela besik fatin hirak mak sai hanesan risku ba dezastre tenki hasés-an antes akontese dezastre ruma ba sira. “di’ak liu ita halo prevensaun antes akontese dezastre duke akontese tiha mak ita foin hakfodak,” nia hateten.
Iha komemorasaun ne’ebé hetan mós partisipasaun hosi Parseru Internasioál hanesan IOM, JICA no UNICEF inklui mós korpu Diplomátiku sira hanesan embaixadór Autralia, Indonesia no Embaixadór Japaun ne’e, Sekretáriu Estadu Terras Propriedades (SETP), Mario Ximenes apresia ho servisu Sekretáriu Estadu Protsaun Sivíl ho ekipa konjuntu sira ne’ebé mak hamutuk hodi bele hala’o atividade ba komemorasaun loron mundiál redusaun risku dezastre ba da-17 iha Timór-Leste.*