SETP Partisipa Dialogo PR Lu-Olo ho Komunidade iha Baucau

SEKRETÁRIU Estadu Terras Propriedades (SETP), Mario Ximenes, iha loron 17 fulan- Dezembru 2020 foin lalais ne’e partisipa iha dialogo ne’ebé realiza hosi Prezindente Reúblika (PR) Francisco Guterres Lu-Olo ho tema “Dada-lia ho Lu-Olo, Ho Dilaogo bele hetan solusaun ba problema ne’ebé de’it,” iha resintu Administrasaun Munisípiu Baucau.

Iha dialogu ne’e prezidente Repúblika (PR) Francisco Guterres Luolo hateten, nia sai prezidente Repúblika (PR) ba povu tomak, la’ós sai prezidente ba uma fukun ida de’it maibé ba povu tomak. Nia parte hakarak rona preokupasaun no lamentasaun hosi komunidade sira, maibé nia mós hakarak transmite buat ruma, tanba iha dialogu ita tenki aberta, nune’e bele hatene ninia problema ne’e saida no sei hetn mós ninia solusaun.
PR hateten, iha dialogu ne’e atu bele partilla mós kona-ba Estadu de diretiu demokrátiku ho nia dezafiu no oinsá mak atu bele realiza direitu ida ne’e, liuhosi kontestu hirak ne’e mak atu loke dialogu ho povu sira.
Tanba ne’e tuir PR, bainhira dehan Eatdau nia diretu mak ás liu, se mak Estadu, nune’e Estadu atu sai Estadu presiza komponente tolu ne’ebé importante liu mak povu, teritoriu no orgaun soberanu.

Xefe Estadu ne’e hateten estadu ne’e ema hotu nian tanba ne’e, oinsá mak atu bele halo ezersisiu ba buat hirak ne’e, iha lezitimidade rua, mak lezitimidade orijinariu no lejitimidade demokratiku.
Hafoin deskursu PR nian, komunidade sira mós hato’o sira nialamentasaun no preokupasaun sira mak hanesan, saúde Edukasaun Infrastutura, sesta bázika no inklui mós problema rai entre komunidade ho komunidade no komunidade ho estadu.
Iha dialogu ne’ebé hetan partisipasaun másimu hosi Membru oitavu Governu Konstitusional no membru parlamentu inklui instituisaun relevante sira ne’e, hetan mós partisipasaun hosi Sekretáriu Estadu Terras Propriedade.

Hafoin partisipa dialogu ne’ebé hetan mós preokupasaun komunidade nian kona-ba problema rai, SETP, Mario Ximenes hateten, preokupasaun komunidade sira nian liu-liu kona-ba prolema rai iha Baucau mak hanesan komunidade sira presiza atu hatene kona-ba dominiu públiku estadu nian no dominio públiku ba privadu, nune’e komunidade sira mós husu atu iha tinan sira tuir mai terras propriedades tenki ba halo sosializasaun kona-ba lei rai nian iha suku sira.
Hafoin dialogu no sesaun husu no hatan, Prezidente Repúblika entrega mós ai-oan ba komunidade sira hanesan simbolu ba reflorestasaun ba iha Munisípiu Baucau.*

Ananias Babo Horta
Relasaun Públika SETP