Rede Feto Hasoru Malu ho MJ Hod Informa Rai Atu Hari Edifisiu Foun ba Rede Feto

Dili-Organizasaun Rede Feto hanesan organizasaun Non Govermental neébe halao nian knar iha area hotu-hotu liu tamba neé agora dadaun hasoru hela difikuldade ba rai atu hari edifisiu foun tamba toó agora organizasaun neé sei dauk iha edifisiu rasik.

Tuir Diretora Exekutivu Rede Feto Yasinta Luijina Regras hateten katak Organizasaun Rede feto hanesan organizasaun ida neée sempre defende feto maluk sira nian direitu no ejisti iha nasaun foun ida neé keleur ona tamba neé agora dadaun hasoru hela difikuldade ba rai atu hari edifisiu foun .

“Agora dadaun ami hasoru hela problema rai atu hari edifisiu foun iha tinan kotuk liu ba ami hatama tea ona proposta ba Ministra Justica hodi fo despaicho rai estadu nian iha Maskarinha maibe toó agora ami sei dauk halo edifisiu tamba sei iha problema entre komunidade ho ami”Dehan Yasinta hafoin hasoru malu ho Ministru Justica iha Gabinete Ministru Justica Caicoli Segunda 22/10

Hatan ba kestaun neé Ministru Justica Dionisio Babo Soares hateten katak Governu liu husi Ministru Jusitca sei hare rai estadu nian neébe ita boot sei indentifika ona katak rai neé partensia ba estadu entaun Ministru Justica atu bele hare hodi prosesu tuir ita nian lei neébe ita iha.

“Ita boot sira indentifika ona rai estadu nian neébe ita boot sira atu hari ita boot sira nian edifisiu foun entaun bele Governu liu husi Ministeriu Justica atu bele prosesu tuir lei neébe ita iha”Dehan Ministru Justica.

Pedro Delfim
Media Officer