Suku Liurai, 21/7/2021, Sua Excelencia,Dr José Edmundo Caetano, ho ekipa kontinuasaun programa Divulgasaun Lei iha Suku Liurai, Posto Administrativu Turiskai.
Ekipa Divulgasaun husi Ministeriu Justisa kontinua ba iha suku Liurai nebe kompustu husi suku haat mak hanesan suku Foholau, Matorek no Liurai Orana. Hodi aprezenta programa refere i rona mos Komunidade sira preukupasaun no sujestaun.
Programa divulgasaun ne’e, Sua Exelencia Vice Ministru rasik mak loke abertura no fo liafuan badak katak oitavu governu liu husi Ministeriu Justisa lori Justisa ba iha komunidade hodi proteze no promove direitus humanus sosiadade iha rai doben ida ne’e. ho nune’e hatudu lolos justisa ba ita nia povo tomak para satisfasaun ba direitus humanus ne’e iha. Neduni nudar governate tenke asegura nafatin sosiedade sira iha justisa nia oin.

Decreto Lei tolu (3) mak hanesan Lei no. 13/2017 Regime Espesial ba Definisaun Titularidade Bein Imóveis. Aprezenta husi Dr. Onorio A. Magalhães, Chefe Departementu Assessoria Jurídica e Política Legislativa.
Lei no. 8/2017 konaba Espropriasaun ba Utilidade Publika. Aprezenta husi tekniku superior Dr. Celito Cardoso, funsionario DNDHC. Alende materia, Sublina katak programa husi Ministeriu Justisa ne’e diak liu no atu asegura nafatin direitus humanus, esplora povo nia direitu no hakman hanoin nebe tristeza hasoru estado. Tane aas justisa iha ita nia rai rasik hodi hamutuk dezenvolve rai doben Timor Leste.

Lei no. 9/2002 konaba Nasionalidade. Lei ne’e aprezenta husi Director Nasional Servisu Registu I Notariado ( DNSRN sigal L Portugues) , Dr. João Fernando Martins Borges.
Alende materia director ne’e, fo nia motivasaun ba komunidade sira hodi hakbesik an ba edifisiu diresaun Notariado hodi prosesa dokumentus legal pesoal sira tamba nudar sidadaun tenke iha bilete indentidade, certidaun RDTL no selu-seluk tamba
barak mak sedauk hetan dokumentus sira hanesan ne’e.
Maibe komunidade sira hatan ba situasaun kata kami iha area rurais difikulta tebes ba distansia no durasaun prosesa dokumentus hirak ne’e. ho nune’e komunidade sira sugere ba execelencia ne’e, karik bele haruk tekniku sir aba iha terenu hodi hasai deit sira dadus pois submete mai nasional hodi prosesa.

Lider komunitaria, conseilu suku no komunidade sira, hato’o nia preokupasaun barak ba orador sira. Iha sermonia ne’e, lider komunitariu no Lia Nain sira iha kestiona liu-liu kona ba regista rai pedasuk nebe sira, maibe sira konfusaun i oinsa atu prosesa tuir legal, maibe ho programa divulgasaun ne’e bele loke sira nia fuan nebe nakonu ho perguntas to’o ikus kore duni sira nia fuan i kopera ho komisaun kadastru para suka sira nia parsela nebe iha. Tenik ( komunidade )