VICE MINISTRU JUSTISA AKOMPANHA DEBATE LEI ESTATUTU MINISTERIO PUBLICA


Aileu, Dia 17 /11/2021, Sua Excelencia Vice Ministru Justisa Dr. Jose Edmundo Caetano Akompanha Komisaun A Parlamento Nasional Debate Lei Estatutu Ministerio Publico.
Vice Ministru durante semana rua akompamha debate Estatutu Ministeriu Publico iha sesaun espesialidade ba estatutu refere iha salaun Hotel-MUKIT Aisirimou.
Iha programa debate estatutu iha sesaun espesialidade ne’e durante semana rua nia laran Vice Ministu hamutuk ho Deputadus Komisaun A Parlamentu Nasional I menbru governo sira mak hanesan CAC, PG, Prezidenti Tribunal, Ministeriu Justisa no mos Juizes sira.

Iha primeiro dia 17 diskusaun hahu iha Capitulu I: konaba composição, funções e estatutu iha parte II Magistratura Ministeriu Publico, no Proposta no 19 rezultado diskusaun aprovado ho vota a favour 5 kontra 4 abstensaun 0. Capitulu II; konaba deveres, direitus, inkompatibilidade magistrados no iha mos proposta no. 20, hetan aprovasaun ho vota a favor 5,contra 2 e abstensaun 1, proposta refere proponents husi deputado Joaquin dos Santos Borluli, Luis Roberto da Silva, Francisco do Vasconcelo.
Capitulu III konaba Avaliasaun no Proposta Alterasaun no 21 iha diskusaun ne’e passa ho vota a favor 9, kontra 0, abstesaun 0. No mos Capitulu IV konaba Ingress, Progressão e Desenvolvimento na Carreira e Provimentos ho proposta no 22 hetan aprovasaun ho vota a favor 9, kontra 0 I abstensaun 0.

Iha Estatutu Capitulu V konaba aposentação, jubilação, cessação e suspensão de funções ho proposta no 23, diskuti ho klean i hetan aprovasaun husi deputados sira komisaun A Parlamentu Nasional ho vota a favor 6, kontra 0, abstensaun 0. Iha estatutu Capitulu VI konaba Antiguidade i Disponibilidade ho proposta no 24 aprovado ho vota a favor 6 kontra 0 i abstensaun 0.
Iha Capitulu VIII konaba regime disciplinar ho proposta no. 25, 26,27,30 nebe proponente husi Deputado Joaquin dos Santos Borluli no José Pacheco Soares, esplikasaun ho Klara ikus mai hetan aprovasaun ho vota a favour 8, kontra 0, abstensaun 0.
Ikus liu, komisaun A hamutuk ho membru governo no mos juzes sira finaliza no aprovado estatutu Ministeriu Publico nian iha komisaun A Parlamentu Nasional i sei halo revizaun depois submete ba iha plenaria hodi debate no aprovasaun iha Parlamento Nasional.

Arcanjo Viana das Neves
Media Gabinete Vice Ministru Justisa