Baucau-Sekretáriu Estadu Terras Propriedades (SETP), Mario Ximenes, Iha loron 28 fulan-Novembru 2021 fojn lalais ne’e partisipa iha selebrasaun aniversáriu Proklamasaun Independénsia Repúblika Demokrátika Timor-Leste (RDTL) ba dala 46, ne’ebé realiza iha Darsula, Munisipiu Baucau ho tema " A União e a Luta Conjunta Para a Vitória de Todos,"
Iha ámbitu komemorasaun Ministériu Administrasaun Estatál no Ministériu Turizmu Komérsiu no Indústria organiza feira nasionál hahú husi loron 22 to’o 27 fulan-Novembru 2021 ho envolvimentu Ministériu relevante sira hotu nia atividade no produtu.

Serimonia refere lidera husi Prezidente Repúblika no Xefe Estadu, Dr. Francisco Guterres Lú-Olo, no hetan partisipasaun husi Prezidente no Deputadu sira hosi Parlamentu Nasionál, Primeiru Ministru ho membru Governu sira, Presidente Tribunal Rekursu, Eis Tutulares, Corpo Diplomeatiku sira no involve instituisaun estadu nian tomak no Veteranu sira husi Luta ba Libertasaun patria nian.
Hafoin hasa’e Bandeira Nasionál, Prezidente Repúblika entrega mós kondekorasaun ordem Timor-Leste ba ema hirak ne’ebé fó ona sira nia kontribuisaun ba nasaun Timor-Leste bazeia ba Dekretu Prezidente Repúblika Númenru 102/2021/25 de Novembru, kondekorasaun sidadaun nasionál sira iha ámbitu selebrasaun loron proklamsaun independénsia, 28 fulan-Novembru 2021, hanesan iha tinan sira liuba kotuk, Prezidente Repúblika hatudu rekoñesimentu no valorizasaun liuhosi kondekorasaun Ordem Timor-Leste nian ba ema hirak ne’ebé fó ona kontributu boot no halo ona sakrifísiu ba sira nia rai, ema sira ne’e hatudu espéritu patriotizmu ne’ebé ás tebes liuhosi dedika sira nia-an tomak inklui entrega sira nia moris rasik ba libertasaun patria.

Antes tama ba komemoasaun loron proklamasaun independénsia ba da-46, iha loron 27 fulan-Novembru 2021 SETP ho ekipa partisipa mós iha missa agradesimentu iha Katedral Baucau, hafoin missa SETP ho kometiva inklui mós membru Governu no Deputadu sira hosi Parlamemtu Nasionál Akompaña Preziden
te Repúblika hodi ba tau ai-funan iha Simitériu dos Herois Fatumaca, Baucau*