Dili, 21/12/2021, Sua Excelencia Vice Ministru Justisa Dr. Jose Edmundo Caetano, sai orador ba Ceremonia Judisium iha Universidade Dili ba Dahitu.
Iha ceremonia ne’e, Vice Ministru hanesan orador, nebe partisipa husi professores, judisiaristas hamutuk 31 no familia sira i estudantes sira neba partisipa.

Vice Ministru liu husi nia diskursu hato’o mos parabens ba Judisiaristas sira nebe finaliza ona nia estudo iha banku licensiadu nian. Nune’e mos enkoraza I motiva judisiarista katak fini ou bukae nebe iha ona kuidadu no rega didiak para buras nafatin iha imi no mos ba sosiedade sira.

Vice Ministru mos hanesan fundador ida iha Departementu Direitu iha universidade refere existe to’o ohin loron. Vice mos ho laran kanek relembra fila fali difikuldades no dezafius sira nebe hamutuk ho professores sira nebe hari’i departementu refere. Tan ne’e pasadu hanesan istoria ba prezente hodi hetan objetivu iha futuru.

UNDIL mos produs rekursu humanu nebe diak no kualidade hodi kontribui ba dezenvolvimentu iha rai laran, aumesmu tempu Vice Ministru mos entrega valor kualifikadu ba iha judisiarista sira nebe hetan klasifikasaun muito bom.
Iha ceremonia ne’e finaliza iha sesaun foto hamutuk, Excelencia Vice Ministru ho Judisiaristas no mos Professores, inklui familia husi Judisiarista sira.