Dili, 27 Janeiru 2022, Ministru Justisa Interino, Dr. Jose Edmundo Caetano (Saka Timor), partísipa iha reuniaun Konsellu Superior Defeza no Seguransa ne’ebé prezide husi Prezidente Repúblika, Francisco Guterres Lú Olo iha Palásiu Prezidensiál Nicolau Lobato- Aitarak Laran, Dili.

Iha encontru ne’e, Prezide husi Prezidenti Republika Timor Leste Dr. Francisco Guterres Lu-Olo, participa husi orgaun exekutivu Premeiru Ministro ho nia Membru no mos prezidenti Tribunal, reprezentante Deputadus iha Parlamentu Nasional no Comisariu PNTL.

Objetivu husi reuniaun ne’e, Prezidente Repúblika rona hanoin sira husi membru Konsellu Superior Defeza no Seguransa kona-bá ezonerasaun, nomeasaun no promosaun ba altas xefias FALINTIL-Forsas Defeza Timor-Leste (F-FDTL), ne’ebé aprova ona iha Konsellu Ministrus foin lalais ne'e, molok Prezidente Repúblika foti desizaun ba asuntu refere.