Aileu, 16/2/2022, Sua Execelencia Vice Ministru Justisa Dr. Jose Edmundo Caetano (Saka Timor) Prezensa nundar Proponente no akompanha husi exmo. Procuradoria geral da republika Dr Alfonso Lopes iha (liman karuk), Defensoria publika geral Dr Cancio Xavier (liman loos) iha Debate espesialidade Esbosu Lei PPL no 26/v/3a, kona ba Orden Advogadus iha Timor Leste, ho Komisaun A Parlamentu Nasional assuntu konstitusional i Leis, Kuarta-feira ne’e iha Salaun Hotel Mukit-Aisirimou.

Asembleia espesialidade ne’e, prezidi husi Prezidente Komisaun A Dr. Joaquin da Silva Borluli ho membru Parlamentu Nasional, Proponente ppl no. 26/v/3a prezensa husi Vice Ministru Justisa, akompanha husi Tekniku Superior Juridiku (Jurista MJ), Partisipa husi Porcurador Geral, Coordenador Defensor Publiku, no mos Advogadu Privadu sira.

Iha sesaun espesialidade ne’e, kontinuasaun husi Kapitulu III Deontologia Profisional ho artigu 52 to’o iha Kapitulu IX Disposisoens Finais artigu 101. Esbosu lei ppl no 26/v/3a ne’e, proposta hamutuk 47 maibe proposta 21 mak lakonsege passa tamba hetan votu minoria. Proposta hira ne’e ho tipu subtitui, adisional, no mos rekomendasaun sira nebe mak atu halo ajustamentu ba artigu hirak nebe mak lakondis ho kondisaun dever no direitu advogadu sira nian. Tamba ne’e Deputadus no participasaun sira hato’o proposta hodi diskute ho klean para futuru labele iha lakuna hodi prezudi ba sidadaun sira no ba Estadu.

Esbosu lei estatutu orden advogadu ne’e ninia benefisiu boot ba iha sidadaun sira no mos ba estado, sei akumula hotu advogadu i advogadu estagiariu Timor Oan sira nebe hala’o nia funsaun durante ne’e. Vice Ministru hateten sidadaun sira nebe estuda iha area direitu hakarak atu sai honorariu ida tenke liu husi inskrisaun tuir kriteria nebe mak hasai husi Ministeriu Justisa. Iha objetivu ida atu akumula advogadu Nasional no Estrangeiru hodi bele ajuda sidadaun sira, hodi halo advokasia. Ministeriu Justisa sei kontrola advogadu sira liu husi kriteriu nebe mak mai husi Bastonariu wainhira ppl no 26/v/3a sai ona lei.

Razaun nebe proponente Vice Ministru Justisa hateten cria orden ne’e tamba advogadu sira halo advokasia ba kliente ida, kliente sedauk simu desizaun husi juis iha tribunal maibe advogadu sira husu uluk ona nia kliente atu fo osan, ikus mai kliente lakon tan iha tribunal. Ne’e akontese dala barak ona ba ita nia sidadaun sira. Tamba ne’e presiza hadia buat hirak ne’e, nune’e ema hotu senti justisa ne’e lolos I labele lakon dobru tan.
Esbosu lei ppl no.26/v/3a ne’e, debate durante semana rua nia laran, ikus mai finaliza iha Hotel Mukit Aileu, ho nune’e Komisan A Parlamentu Nasional sei halo revizaun ba proposta no rekomendasoens sira nebe hato’o, I semana oin sei submete ba iha Parlamentu Nasiona