Lautem, 19/5/2022, Sua Excelensia Vice Ministru Justisa Dr. Jose Edmundo Caetano (Saka Timor) ho Espoza Tuir Misa Agradesimentu Loron Restaurasaun Independensia Timor Leste ba tinan 20. Tersa-feira ne’e, iha postu administrativu Luro.

Antes misa agradesimentu, Administrador Postu Administrativu Luro no Kominidade Munisipiu Lautem ho antosiasmu simu Excelensia Vice Ministru Justisa, Prezidenti Autoridade munisipiu lautem, Sr. Domingos Savi no Comandante PNTL Munisipiu Lautem, iha Postu Administrativu Luro no partisipa husi Postu Administrativu 6 hanesan Luro, Lore, Lospalos, Iliomar, Tutuala, Lautem.

Misa agradecimentu neé, diriji husi reverendisimo Amu Paroque Augostu Assunção Delfim de Sá, i prezensa husi Vice Ministru Justisa no prezidenti Munisipiu Lautem Sr. Domingos Savi, inklui sarani sira iha munisipiu Lautem.

Iha omilia Amu hateten, selebrasaun ba aniversariu loron Restaurasaun Indepedensia Republika Timor Leste ba tinan 20 ida ne’e, hanoin hikas fila ita nia heroi sira nebe luta iha tinan naruk nia laran sakrifika aan, fo nia isin hodi liberta ita nia rai lulik ida ne’e ohin loron timor sai nasaun ida iha mundu nia matan. tan ne’e, iha misa ida neé ita husu Aman Maromak atu ita nia Asuwain sira nia klamr hetan salvasaun no rahun diak iha Amam Maromak nia kadunan santu.

Tulun no fo saude diak ba ukun nain sira atu servi didiak nia povu doben no lori Timor Leste ba iha mundu nebe nabilan. Haburas paz no estabilidade iha rai lulik neé hodi hala’o dezenvolvimentu iha ita nia rai laran, liberta ita nia povu hosi kiak no mukit.
Depois de misa, Vise Ministru Justisa ho nia Espoza hamutuk no Prezidenti Munisipiu Lautem iklui komunidade sira hotu tau ai-funan iha saudosu sira nia rate, iha postu Luro. Sentidu honra ba heroi sira nebe libertasaun ona ita nia rai doben ida ne’e, nune’' tenke dignifika sakrafisiu boot nebe heroi sira rai hela mai ita,ohin loron ita hetan liberdade.

Depois de kari ai-funan, Vise Ministru ho nia espoza, Prezidenti Autoridade Munisipiu ho nia Espoza, komandante PNTL Munisipiu inklui komunidade hotu ba vizita fatin istoriku iha suku lakawa.

komunidade suku lakawa ho kontenti tebes vizitasaun husi Vise ministru ho Prezidenti Munisipiu ne’e, hanoin hikas fali Asuwain Timor nian nebe uluk konsentra iha fatin refre hodi planu estragia ba funu hasoru forsa Indonesia. Liafuan nebe komandante asuwain sira fo sai ba nia militante no komunidade sira iha fatin neba katak “ Povu Hanesan Bee, Falentil Hanesan Ikan (hateten komandante Fernando)’, signifika komunidade hanesan bee hodi fo moris ba forsa falintil sira nuneé falintil sira forsa nafatin hasoru funu ida neé. To’o ikus mehi nebe espera sai realidade ba Timor oan tomak.

Vise Ministru hateten, vizitasaun ida ne’e, previlejiu ida no importante tebes, sei relata ba ministeriu relevante hodi tau matan ba fatin refere tamba sai hanesan fatin istoriku no sai hanesan potensial ba turismu. Tan ne’e, Vise rekomenda ba komunidade sira iha Luro kria paz no estabilidade, liu-liu husu ba juventude sira kontribui nafatin hodi hadia dezenvolvimentu iha Postu Administrativu Luro.