MINISTRU JUSTISA HETAN VIZITA HUSI EMBAIXADORA TIMOR-LESTE BA PORTUGAL NIAN DISKUTI ASUNTUS IMPORTANTES LUBUK IDA


Dili, MJ: Sexta-feira (03/06) dader ne’e, Ministru Justisa, Dr. Tiago Amaral Sarmento, simu embaixadora Timor-Leste ba Portugal nian Sra. Isabel Guterres, iha knar fatin Ministériu Justisa, Rua Comera, Dili.


Iha reuniaun Ministru Justisa ho Sra. embaixadora diskuti asuntus importantes lubuk ida, inklui reativa protokolu kooperasaun ne’ebé antes ne’e asina ona entre Ministru Justisa sesante, Dr. Manuel Cárceres da Costa ho Universidade Coimbra, Portugal atu haruka Konservadores no Notariu sira hodi tuir formasaun iha ne’eba.


Aleinde koalia kona-ba renovasaun Protokolu Kooperasaun ho Universidade Coimbra, Portugal, Ministru Justisa ho Sra. Isabel Guterres, diskuti mós kona-ba Timoroan lubuk ida, hetan problemas no agora dadaun iha hela Portugal.

Ministru Justisa Dr. Tiago Amaral Sarmento, akompaña husi Assesor Administarsaun Dr. Tomas M. Correia no Assesora Jurídiku, Maria Filomena, reuniaun ho embaixadora Timor-Leste ba Portugal nian Sra. Isabel Guterres iha knar fatin Ministériu Justisa, Dili (03/06).



Iha reuniaun ho Embaixadora Portugal ba Timor-Leste nian, Sr. Manuela Bairos Kinta(02/06) semana ne’e, Sr. Embaixadora husu atu Ministru Justisa halo komunikasaun no koordensaun ho Ministériu Negosiu Estranjeiru no Kooperasaun (MNEC) hodi hare asuntu refere, asaun ho Ministériu Negosiu Estranjeiru no Kooperasaun (MNEC) hodi hare asuntu refere, nune’e bele elabora akordu foun ida hodi bele fó solusaun ba situasaun sira ne’ebé iha relasaun ho prekupasoen Ministru Justisa nian liga ba sidadaun Timoroan hirak ne’ebé agora dadaun, tanba problema dokumentus sei iha hela Portugal.


Nune’e ne’e, Sra. Embaixada ho Ministru Justisa diskuti mós asuntus kona-ba oinsa atu halo mudansa protokolu kooperasaun mobilidade sidadaun Timor-Leste iha país CPLP.


03 Juñu 2022
#Media_Gabinete_MJ